Energia

Siguridat di suministro

Na Boneiru tin un demanda kresiente pa elektrisidat, tambe dor di e desaroyo fuerte di e turismo. Esaki ta eksigí un suministro di elektrisidat konfiabel. Mas aleu e gastunan di generashon di elektrisidat ta haltu riba e islanan pa motibu di e instalashonnan chikitu. E gastunan di elektrisidat ta forma un parti grandi di e gastunan di famia pa hopi habitante: un kuart di un entrada normal, no ta inusual.

Un suministro di energia konfiabel i pagabel ta masha importante pa e desaroyo di e islanan. E Ministerio di Asuntunan Ekonómiko i Klima (EZK) ta karga responsabilidat di maneho pa e suministro di energia i pa e motibu ei ta un interlokutor estrikto pa e kolegionan ehekutivo i e kompanianan di energia: WEB Boneiru, ContourGlobal Bonaire, Statia Utility Company i Saba Electric Company.

Hasi mas duradero

Pa medio di e klima faborabel ta eksistí bon oportunidat pa energia duradero (partikularmente bientu i solo). Na Boneiru a logra resultadonan hopi bon ku energia di bientu kaba. E Ministerio a publiká den febrüari 2017 un rapòrt tokante hasi energia mas duradero i pagabel den Hulanda Karibense.

Na Boneiru un Instalashon di un kombinashon di bientu i disel, ta den servisio ku diesdos turbina di bientu mediano ku por proveé e isla riba sierto dianan, te ku 50 porshento di e demanda pa elektrisidat. Un unidat pa warda energia di 9 MW i dirigí pa kòmpiuter, ta fangu tur eventual fluktuashon di koriente.

Tambe e posibilidatnan pa energia solar ta wòrdu investigá. Dor di e kresementu di e demanda pa elektrisidat, lo mester invertí den mas kapasidat di produkshon. Entretantu na Boneiru tin sufisiente kapasidat ku por regla (“karga básiko”) riba kombustibel fósil ku semper por sende i paga. E reto nobo ta pa remplasá produkshon fósil mas tantu posibel pa kapasidat duradero.

Riba Saba i Sint Eustatius tin bon posibilidat pa energia di bientu i solo. E Ministerio di EZK a invertí pisá riba e dos islanan den energia duradero. Ku esaki, e tarifanan di elektrisidat ta keda dentro di e límitenan. Riba Saba e ministerio a sostené e mudansa di e sentral di elektrisidat antikuá i mal situá, pa un otro sitio.

Seguridat di suministro di kombustibel

Na Hulanda Karibense produktonan petrolero ta wòrdu usá primariamente pa generá elektrisidat i pa aviashon. E uso na Saba, Sint Eustatius i Boneiru ta relativamente poko. E seguridat di suministro di kombustibel riba e islanan ta dirigí su mes prinsipalmente pues riba sigurá e produkshon di elektrisidat pa medio di disel. Riba e islanan no tin stòk èkstra di petrolio. Esei ta hasi e teritorio vulnerabel pa estorbonan den entrega i esei na su turno por kondusí nan estorbonan ekonómiko. E dirigentenan lokal i EZK ta limitá tal riesgonan pa medio di solushonnan pragmátiko riba término kòrtiku, i ademas a lanta e partisipashon polítiko Bonaire Brandstof Terminals pa garantisá siguridat di suministro riba término largu. 

Mineria

For di 10 di òktober 2010 e Dekreto di mina BES ta na vigor. Ku esaki e regulashon téknikamente a wòrdu transladá for di e pais Antia Hulandes pa Hulanda. Ku esei e método no a kambia.  Konseshonnan i pèrmitnan for di 10-10-10 mester wòrdu pidí si, serka e Minister di Asuntunan Ekonómiko.