Derecho di Marka
E Benelux Bureau voor de Intellectuele Eigendom (BOIP, e Ofisina di Benelux pa e Propiedat Intelektual) na nòmber i pa enkargo di e Ministerio di EZK ta ehersé e Wet merken BES (Lei Markanan BES). Lesa mas riba e website over de toepassing van het merkenrecht in Caribisch Nederland (wèpsait tokante aplikashon di derecho di marka na Hulanda Karibense).
Wet merken BES (Lei markanan BES, WMB) ta aplikabel na Hulanda Karibense. E lei aki a drenta na vigor dia 10 di òktober 2010. Tur apoderado establesé den Reino Hulandes por fungi komo apoderado bou di e WMB.
Lei markanan BES pa mayoria parti ta igual ku e Merkenlandsverordening 1995 (Ordenansa nashonal pa markanan 1995) ku den pasado tabata na vigor na Antia Hulandes i ku esei tambe na legislashon di e sobrá paisnan di e Antia Hulandes di ántes. Un diferensia importante ta ku e no ta disponé di un evaluashon di depósito di marka riba base apsoluto. Un otro diferensia ta ku representashon pa un apoderado no ta obligatorio.
E Protokòl di Madrid tambe ta konta pa Hulanda Karibense.
Caribie.nl
Caribie.nl ta para pa Caribisch Nederland Bureau Intellectueel Eigendom (Ofisina Propiedat Intelektual Hulanda Karibense). E website www.caribie.nl ta e medio di komunikashon sentral di BOIP pa registrá i publiká marka na Hulanda Karibense.
BOIP ta aspirá pa laga e komunikashon mas tantu posibel tuma lugá elektrónikamente. Pa fasilitá komunikashon riba distansia largu i ku un diferensia di ora, ku ‘TM Talk’ ta proveé un posibilidat pa entregá depósito. E website pa marka na Hulanda Karibense (www.caribie.nl) tambe ta ofresé un registro online den kua por haña e markanan ku ta na vigor na Hulanda Karibense.
BOIP tambe ta alkansabel pa e aplikashon di e WMB via e-mail na trademarks@caribie.nl.