Finansiamentu di empresa

Ta trata di e siguiente areglonan:

• Para Garantia kréditonan di MKB (BMKB);
• Fasilidat di kresementu;
• Garantia di finansiamentu empresarial (GO);
• Garantia di finansiamentu empresarial den sektor kurativo CO CURE;
• kréditonan pa inovashon;
• Kontraktnan di Prestashon Inovativo (IPC);

Ehekushon di e areglonan ta den man di rvo.nl. Ademas Fundashon Qredits tambe ta suministrá krédito na empresario na Hulanda Karibense. Qredits ta un fundashon sin fin di lukro, ku sosten di entre otro e  ministerio di Asuntunan Ekonómiko i Klima.

Para Garantia kréditonan di MKB (BMKB)

Empresarionan ku ke hasi negoshi na Boneiru, Sint Eustatius òf Saba por hasi uso di e BMKB via nan banko lokal partisipante. Bo por hasi uso di e areglo para garantia si bo ke sera un fiansa, pero e banko ta pidi mas siguridat ku bo por ofresé. Pa motibu ku e gobièrnu ta para garantia pa un parti di e fiansa, e banko lo ta mas dispuesto pa duna un fiansa. Serka e BMKB e gobièrnu ta para garantia te 1 mion euro. E empresario ta pidi e fiansa direktamente serka e banko. E banko ta disidí si e ta hasi uso di e fasilidat di garantia di e BMKB. E empresario por mustra e banko si ta nesesario, riba e eksistensia di e instrumento si. E banko ta paga e Agentschap NL un komishon den un solo biaha di 2,0% te 3,6% dependiente di e durashon di e garantia. Den práktika mayoria biaha, e banko ta kobra e komishon aki serka e empresario.
Bankonan den Hulanda Karibense ku ta partisipá kaba ta:

• MCB Bonaire
• Banco di Caribe
• The Windward Islands Bank Ltd
• RBC Royal Bank

E BMKB areglo ta pa kompania mediano i chikitu (MKB), ku tin sufisiente perspektiva pa futuro (ta viabel) teniendo kuenta ku rentabilidat, kontinuidat i e ‘cash flow’ sperá, ku mester ta sufisiente pa por paga e futuro interes i obligashon di amortisashon na e banko. Pero ku no opstante, no por ofresé e banko sufisiente siguridat. E kompanianan tin ménos ku 250 empleado fultaim den servisio.
Kompania den e siguiente sektornan no por partisipá na e areglo di e BMKB:

• Kuido di salubridat (wak GO CURE)
• Empresario pa kende ingreso di e merkado ta kontrolá pa gobièrnu, manera notario i dùrwarder di korte, dòkter di bestia i abogado
• Operashon di empresa di banko, seguro òf invershon
• Eksplotashon òf desaroyo di propiedat (asina leu ku no ta nesesario pa e operashon di e propio negoshi).

E statutonan di e tumadó di krédito no por ekskluí hasimentu di ganashi. 

Empresa den Hulanda Karibense ku ta aktivo den agrikultura i hortikultura, kria di bestia i di piská, peska òf kultivashon di kuminda di bestia i piská, mester konsultá promé ku Agentschap NL i ku nan banko.

E krédito no ta pa remplasá obligashonnan aktual serka e banko aktual. Sí por refinansiá obligashonnan serka un otro instituto ku un garantia di krédito. E meta di destinashon di e krédito ta liber, pero no por us’é pa hasi invershon. E durashon di e garantia di estado ta máksimo 6 aña i finansiamentu pa rekonstrukshon òf kompra di propiedat (edifisio, barku, etc.) ta maksimalmente 12 aña. E durashon di e krédito otorgá pa e banko efektivamente por ta mas largu ku e término di e garantia (esaki partikularmente ora ta trata finansiamentu di propiedatnan, lo frekuentemente ta e kaso).

Fasilidat di kresementu

Bo ke atraé kapital ku riesgo pa hasi negoshi na Boneiru, Sint Eustatius òf Saba. Asina bo ta fortifiká bo base finansiero i oumentá bo posibilidatnan pa atraé kapital djafó. Sin embargo finansiadónan ta posishoná nan mes di forma reservá: hopi biaha nan ta haña riesgonan serka empresarionan muchu grandi. Pa e motibu ei tin e areglo Fasilidat di kresementu. Bo por akudí serka bo banko òf kompania di partisipashon den Hulanda Karibense. Na e momentu aki te ainda no tin bankonan lokal òf kompanianan di partisipashon afiliá na e Fasilidat di kresementu. Mas informashon 

Garantia di Finansiamentu empresarial  (GO)

Bo ke hasi negoshi na Boneiru, Sint Eustatius òf Saba i mester di un krédito pa esei. Serka e GO e gobièrnu ta para garantia te 25 mion euro. Pa motibu ku e gobièrnu ta para garantia pa un parti di e fiansa, e banko lo ta mas lihé dispuesto pa duna un fiansa. Bo por informá serka bo banko na Hulanda Karibense tokante e posibilidatnan pa e instrumento di finansiamentu aki. Mas informashon

Garantia di finansiamentu empresarial Kuido Kurativo (GO Cure)

Un instituto di kuido ku plannan di konstrukshon na Boneiru, Sint Eustatius òf Saba tin mester di krédito. Serka e GO Cure e gobièrnu ta para garantia te 25 mion euro na krédito pa institutonan di kuido. Pa motibu ku e gobièrnu ta para garantia pa un parti di e fiansa, e banko lo ta mas lihé dispuesto pa duna un fiansa. Bo por informá serka bo banko na Hulanda Karibense tokante e posibilidatnan pa e instrumento di finansiamentu aki. Mas informashon

Krédito pa inovashon

Bo tin un idea inovativo ku un perspektiva ekselente riba merkado. Bo ta disponé di konosementu, vishon i ambishon, pero no di sufisiente forsa finansiero. Tantu esunnan ku ta start komo kompanianan establesé na Hulanda i na Boneiru, Sint Eustatius òf Saba, por probechá di e krédito pa inovashon. E krédito ta pa finansiamentu di proyektonan inovativo i prometedor, ku dentro di algun aña lo kondusí na produktonan nobo. Den esei por trata di e desaroyo tékniko di un produkto nobo òf e desaroyo di un medisina pa kua tin mester di un estudio klíniko ainda. E krédito pa inovashon ta forma parti di e fondo pa inovashon MKB+ for di promé di yanüari 2012. Bo por informá serka bo banko na Hulanda Karibense tokante e posibilidatnan pa e instrumento di finansiamentu aki. Mas informashon

Kontrakt di Prestashon Inovativo (IPC)

Un Kontrakt di Prestashon Inovativo (IPC) ta dirigí riba kompanianan MKB ku ke inová konhuntamente. Bou di guia di un organisashon di interes pa kompanianan (representante) ta ehekutá proyektonan inovativo di mas aña. Koperashon i transmishon di konosementu ta pará sentral. E areglo di IPC tambe ta ofresé sosten finansiero na organisashonnan di e ramo, pa investigá relashonnan di koperashon. Ku e Eksplorashon di koperashon, e representante por hasi un inventarisashon di e posibilidatnan pa koperashon pa kompanianan MKB di diferente ramo. Ramonan internashonal tambe por koperá ku e Eksplorashon di koperashon internashonal.