Registro Komersial
Den e registro komersial, Kámara di Komèrsio i Industria ta kompilá dato importante tokante empresa i persona hurídiko. Asina bo por mira eksaktamente ku ken bo ta tratando, ken ta outorisá pa firma, i si por papia di un bankarota. Pa e motibu ei, e registro komersial ta duna empresario mas siguridat ora di hasi negoshi.
Den e registro komersial ta registrá tur empresa i persona hurídiko ku ta establesé na e isla en kestion, òf ku tin un filial aki. Tambe e registro komersial ta kontené informashon tokante por ehèmpel e índole i e doño(nan) di un empresa. Kámaranan di Komèrsio i Industra na Hulanda Karibense ta traha ku mesun sistema di registrashon.
Registrashon den e registro komersial ta obligatorio pa esun ku tin un empresa òf, ora ta trata di registrashon di un empresa ku ta pertenesé na un persona hurídiko, pa kada un di e direktornan di e persona hurídiko aki. Hasimentu di un registrashon inkorekto òf inkompleto intenshonalmente ta kastigabel sigun Handelsregisterwet BES (Lei Registro komersial BES). Pa inskripshon den e registro komersial ta kobra un pago anual.
Tur hende kontra pago por tira un bista den e registro komersial. Kámara di Komèrsio riba petishon ta duna un kopia òf un ekstrakto for di e registro komersial. E pagonan pa esaki ta stipulá den lei.