Trayekto pa starternan/ Mikrofinansiamentu

E Ministerio di Asuntunan Ekonómiko, Agrikultura i Inovashon a drenta den un relashon di koperashon ku e Kámaranan di Komersio, i algun banko lokal, pa promové entrepreneurship na Hulanda Karibense. Un di e maneranan ku esaki lo wòrdu promové, ta e posibilidat pa haña kréditonan mikro.

Mikrofinansiamentu ta na promé instante pa empresarionan ku ta bai kuminsá (sigui ku) un kompania i ku ta kumpli ku e siguiente kondishonnan:

  • e kompania ta òf lo wòrdu establesé na Boneiru;
  • e empresario no tin sufisiente medionan propio i finansiamentu regular via banko no ta posibel;
  • ta trata di un pèrmit di residensia permanente;
  • e kompania ta evidentemente viabel òf tin potensial;

Na Boneiru e aserkamentu ta operashonal kaba. Na Saba i Sint Eustatius e Kámara di Komersio aktualmente ta pone e tokenan final na un forma di operá, adekuá pa e islanan aki.

Na Boneiru, empresarionan ku ke bini na remarke pa guia promé ku hasi petishon pa krédito mikro, por mèldu nan mes serka e Kámara di Komersio di Boneiru.

E vishon di e Kámara di Komersio ta, siguiendo e pensamentu di e krédito mikro, ku un fiansa den hopi kaso por wòrdu kombiná mas mihó, ku training i coaching. Pa e motibu ei un parti importante di e konsepto ta pa sigui un trayekto pa starter. E trayekto pa starter ta konosé tres grupo di proyekto kada aña. E gruponan di proyekto ta konsistí di mas o ménos dies partisipante i e trayekto pa starter lo dura ocho siman promé ku hasi un petishon serka e banko. 

Riba djamars 14 di febrüari e promé trayekto pa starter di e Kámara di Komersio Boneiru a kuminsá. E empresarionan futuro ku ta partisipá, ta wòrdu prepará pa e entrepreneurship pa medio di 7 workshops intensivo den un plaso di 2 luna. E workshopnan ta profundisá riba abilidatnan empresarial, impuesto i legislashon, atministrashon, duana i importashon, kalkulashon di preis i oferta, merkadeo i e preparashon di un business plan. Próksimo trayektonan ta kuminsá den yüni i òktober 2012.

Esnan ku haña un krédito lo drenta e trayekto di coaching. E trayekto di coaching lo dura 2 aña, di kua den e promé aña, kada luna lo tin 4 ora di reunion entre e starternan i e konseheronan di e Kámara di Komersio. E Kámara lo hunga un ròl di koordinashon i supervishon ainda den esaki i unda ta nesesario, lo traha un plan di konseho, na un kompensashon redusí.