Pòst
E Minister di Asuntunan Ekonómiko ta responsabel pa maneho pa un bon servisio di pòst. E supervisor Outoridat Konsumidó i Merkado ACM ta pèrkurá pa e kumplimentu ku e eksigensianan ku ta wòrdu poné pa e kalidat di e servisio di pòst den Hulanda Karibense. E Lei Pòst BES ta forma e kuadronan.
Entrante promé di yanüari 2014 e Minister di Asuntunan Ekonómiko a duna e konseshon pa servisionan di pòst den Hulanda Karibense na Flamingo Communications N.V. konforme e dekreto di 17 di òktober 2013 pa un periodo di 10 aña.
Entrega di pòst
Kon mi mester poné adrès di pòst pa Hulanda Karibense?
Bo ta skirbi:
Nòmber
Direkshon (nòmber di kaya plùs number / pòstbùs plùs number) eventualmente nòmber di lugá (i/òf bario)
NÒMBER DI ISLA ( es desir Boneiru, Saba òf Sint Eustatius)
HULANDA KARIBENSE
Paga tinu pa Hulanda Karibense no ta eksistí kódigo postal. Pa risibí pòst ku mester wòrdu entrega na un adrès di kas òf ofisina bo mester tin un buzon. Tambe e buzon mester kumpli ku e reglanan.