Te na ki medida un rechaso di un petishon mester wòrdu motivá?

Un rechaso mester wòrdu bon motivá, i mester bai en detaye riba e puntonan pa loke ta trata e kontenido, ku e dunadó di pèrmit a tuma den konsiderashon. Pues un frase manera ‘nos a yega na e konklushon ku bo no ta kumpli ku e kriterionan ku e lei ta stipulá’, no ta sufisiente. Un motivashon bon fundá ta, entre otro, nesesario pasobra e petishonario mester por apelá e rechaso.