Un pèrmit ku a wòrdu otorgá, ta kaduká si esaki no wòrdu usá durante di un sierto tempu i en kaso ku si, kon largu e tèrmino ei ta?

Den e lei ta pará den kua situashonnan un pèrmit di establesimentu ku a wòrdu otorgá por – pues no nesesariamente : lo – wòrdu halá aden. Parti 7c tabata indiká ku hala aden tabata posibel ora e empresa tabata será durante tres luna konsekutivo. Esei ta nifiká ku empresanan ku ta fuertemente mará na temporada, manera e sektor di turismo, ta kore e riesgo kada aña di pèrdè e pèrmit di establesimentu. Den e parti d nobo, a traha un fasilidat pa e empresanan ei. Dor di manda un anunsio por eskrito di e siere temporal, pa e Kolegio Ehekutivo, e empresario por prolongá e tèrmino pa seis luna. E fasilidat aki a wòrdu inkorporá a base di konsulta.