Telekomunikashon

E lei Suministro di Telekomunikashon BES ta forma e base pa e ofresementu di fasilidatnan di telekomunikashon. Pa e sektor di telekomunikashon e meta di maneho di e Ministerio di Asuntunan Ekonómiko ta kontinuashon di e situashon riba 10-10-10 pa un periodo di 3 pa 5 aña. En prinsipio e maneho ku a wòrdu hibá pa BT&P te na e momentu ei, lo wòrdu mantené (transishon silensioso). Pues lo no tin kestion di liberashon kompleto di e merkado di telekomunikashon ainda, manera esei ta e kaso den Hulanda/Union Oropeo.  

E promé añanan a wòrdu usá pa hasi un inventarisashon di nesesidatnan riba e islanan, pa despues a base di e inventarisashon ei kambionan eventual wòrdu implementá. Si den futuro kambionan di maneho i legislashon i regulashon lo tuma lugá, e ora ei lo tene kuenta mas mihó posibel ku i lo konektá ku e situashon den Hulanda Karibense. Den e proseso aki e partidonan eksistente lo wòrdu embolbí (dor di konsultanan por estilo). Riba tèrmino tambe ta premirá introdukshon di e lei di Telekomunikashon. 

Kambionan den e organisashon di trabou

Desde e kambio di Boneiru, Saba i Sint Eustatius pa munisipionan spesial di Hulanda (Hulanda Karibense), riba 10 di òktober 2010, e Agensia Telecom i e Outoridat Konsumidó i Merkado (ACM) ta enkargá ku e ehekushon di i e supervishon riba entre otro e Lei Suministro Telekomunikashon BES i e lei Pòst BES.    

For di 2010 te ku 2016 e Agensia Telecom i e ACM a pasa e tareanan operashonal pa e Bureau Telecommunicatie i Post. Den e periodo ei e BT&P a tuma, banda di su mes tareanan na Kòrsou, e tareanan di ehekushon i supervishon den Hulanda Karibense riba dje, bou di responsabilidat di e Agensia Telecom i e ACM. Pero e akuerdo ei a terminá riba 31 di desèmber 2016. Pasobra e Agensia Telecom ta bon introdusí den e situashon lokal, e Agensia Telecom ta ehekutá e tareanan e mes awor.  

Kiko a kambia?

E ofisina na Boneiru, inkluso e stashon di monitor, a pasa pa Agensia Telecom. Tambe e trahadónan aktual ta den servisio di e Reino. Bo por akudí for di promé di yanüari 2017 ainda na e ofisina na Boneiru:

Direkshon

Kaya Grandi 69
Kralendijk, Boneiru

Tel

+(599) 717 3140

E-mail

bes@agentschaptelecom.nl

Tur trabou ta sigui meskos ku bo ta kustumbrá, solamente e trahadónan pa asuntunan finansiero, hurídiko i di maneho, lo wòrdu sostené for di Hulanda en bes di for di Kòrsou. Esei ta konta tambe pa e tareanan ku ta wòrdu hasí pa ACM.
Laga nos pone riba un rei, un ratu, pa kiko (entre otro) bo por akudí serka e kolaboradónan na Boneiru:

  • E petishon pa outorisashon pa uso di frekuensia;
  • Informashon tokante kua ekipo di radio bo por usa sin outorisashon i kua no;
  • Informashon tokante e importashon di ekipo di radio(duana);
  • Entrega di keho tokante estorbonan pa òf dor di ekipo di radio;
  • Entrega di keho tokante e kalidat di e servisio di proveedornan di telekomunikashon.

E Agensia Telecom a hasi bon palabrashonnan ku BT&P pa hasi e transishon pa e situashon nobo lo bai mas fleksibel posibel. Tur dos partido lo hasi tur kos pa prevení ku bo eksperensia molèster di esei.

Koperashon futuro

E transishon no ta nifiká ku e koperashon a kaba na nada. E Agensia Telecom i e BT&P lo traha huntu riba partinan spesífiko, despues di promé di yanüari 2017 tambe. Ta trata aki di por ehèmpel sosten ora tin kalamidatnan i pa ta un fall back funshon pa e Agensia Telecom. BT&P ta keda ku un ròl tambe den e sinkronisashon internashonal di e uso di frekuensianan den e region i pa defensa di e interesnan di e parti karibense di e Reino durante konferenshanan internashonal tokante frekuensianan di radio.

Banda di esei e koperashon lo toka kompartimentu di konosementu i desaroyo, bou di kua stage i koperashon den e desaroyo di maneho i regulashon.

Lesa aki bou e preguntanan hopi hasí i e kontestanan konserniente.