E di dos Aagènda di enseñansa
A formulá e di dos Agènda di Enseñansa na 2016. Esei a sosodé despues di evaluashon di e metanan ku a logra den E di promé agènda di enseñansa. E Agènda di Enseñansa akí ta kubri e periodo di 2017 te ku 2020.
E metanan di mas prinsipal di e Agènda di Enseñansa akí ta:
- Ku na 2020 alumno na Hulanda Karibense ta haña enseñansa di kalidat sufisiente
- Ku resultado den enseñansa a mehorá di un forma palpabel
Desaroyo di enseñansa na Hulanda Karibense entre 2014 -2016
Durante temporada ku e di promé Agènda di Enseñansa tabata na vigor Inspekshon di Enseñansa a sigui tur desaroyo den enseñansa na Hulanda Karibense kontinuamente.
Nan a dokumentá e resultadonan di e periodo 2014-2016 den e dokumento ‘Desaroyo di enseñansa na Hulanda Karibense entre 2014-2016.’
Seis prioridat
Meskos ku serka e di promé Agènda di Enseñansa e partnernan den enseñansa ta traha pa realisá un kantidat di prioridat:
- Sigui stimulá forsa di maneho, profeshonalismo i kontinuidat
- Un maneho finansiero salú, un atministrashon na òrdu i un maneho pa mas aña.
- Enseñansa di idioma mas efektivo
- Sigui drecha struktura di kuido den enseñansa
- Enseñansa ku ta kuadra ku formashon siguiente i/òf merkado laboral
- Mehorashon di kondishon esensial (bibienda, enseñansa obligatorio, legislashon, kondishon laboral i kooperashon integral
Anekso di isla
E Agènda di Enseñansa tin tres anekso insular : di Boneiru, Sint Eustatius i Saba. Den e aneksonan tur partner importante den enseñansa na e islanan akí ta indiká pa kada prioridat ku ki aktividat nan ke logra e resultadonan segun palabrashon pa 2020.
A firma e di dos Agènda di Enseñansa dia 28 di novèmber 2016, durante E di tres Konferensia di Enseñansa , na Sint Eustatius.