E di promé Agènda di Enseñansa
A traha e di promé Agènda di Enseñansa na 2011. Meta di e agènda akí tabata pa na 2016 enseñansa na Hulanda Karibense lo tabata na un nivel akseptabel. Akseptabel segun norma hulandes i karibense.
Mehorá enseñansa
A base di palabrashon den e di promé Agènda di Enseñansa, Boneiru, Sint Eustatius i Saba a traha nan mes plan pa mehorá enseñansa. Den e plan ei nan a deskribí kon nan ke mehorá kalidat di enseñansa na nan skolnan. Dos biaha pa aña e skolnan a papia ku Inspekshon di Enseñansa tokante progreso di e plannan akí. Esaki a sosodé durante Bishita di Inspekshon. Por ‘download’ e rapòrtnan di Inspekshon riba wèpsait di Inspekshon di Enseñansa.
Sinku prioridat
A formulá sinku prioridat den e di promé Agènda di Enseñansa pa mehorá enseñansa na Hulanda Karibense:
- Alsa kalidat
- Fortifiká kalidat di dosente, gerensia di skol, direktiva di skol
- Kuido den enseñansa na midí
- Enseñansa profeshonal atraktivo
- Kondishon esensial na òrdu
A firma e di promé Agènda di Enseñansa na 2011 durante e promé Konferensia di Enseñansana 2011, Boneiru