Pa kada semèster tin un kantidat limitá di beka di Reino disponibel, dependiendo di e lugá den Reino unda e studiante ta studia, i ki tipo di estudio e ta sigui. Pa e kantidat di beka, konsultá e Overzicht beschikbare beurzen per (ei)land (Bista general bekanan disponibel pa kada isla/ pais). Pa kada semèster tin un montante di €302.000 disponibel pa gasta komo supsidio den forma di un beka di Reino pa studiante pa stazje òf interkambio di estudio den e Reino. Lo repartí e montante aki bou di e petishonnan via sorteo.
Despues ku sera e periodo pa entrega di petishon, un sorteo independiente lo tuma lugá via notario. E sorteo ta tuma lugá den 3 ronda.
- Ronda 1
A base di e Overzicht beschikbare beurzen per (ei)land (Bista general bekanan disponibel pa kada isla/ pais), lo repartí e kantidat fiho di lugá a base di ubikashon geográfiko, i e nivel di e instituto di enseñansa.
- Ronda 2
Despues di ronda 1 di e sorteo, lo repartí sobrá di e montante di supsidio den e studiantenan ku a kai pafó di e sorteo den e promé ronda, ku ta inskribí na un di e institutonan di enseñansa ku ta partisipá na Aruba, Boneiru, Kòrsou, i Sint Maarten, i ku ta hasi un apelashon riba e beka di Reino pa interkambio di estudio òf stazje den e region Karibense.
- Ronda 3
Despues di ronda 1 i 2 di e sorteo, lo repartí sobrá di e montante di supsidio den e studiantenan ku a kai pafó di e sorteo den ronda 1 i 2.
E rondanan di sorteo via notario ta tuma lugá den e siguiente periodonan:
- Entre 15 di mei i 31 di mei 2024 pa stazje òf interkambio di estudio ku ta kuminsá entre 1 di sèptèmber 2024 i 31 di òktober 2024 (Interkambio di estudio pa Sint Maarten ta kuminsá dia 1 di ougùstùs 2024)
- Entre 15 di òktober i 31 di òktober 2024 pa stazje òf interkambio di estudio ku ta kuminsá entre 1 di febrüari 2025 i 31 di mart 2025 (Interkambio di estudio pa Sint Maarten ta kuminsá dia 15 di yanüari 2025)
- Entre 15 di mei i 31 di mei 2025 pa stazje òf interkambio di estudio ku ta kuminsá entre 1 di sèptèmber 2024 i 31 di òktober 2025 (Interkambio di estudio pa Sint Maarten ta kuminsá dia 1 di ougùstùs 2025)
- Entre 15 di òktober i 31 di òktober 2025 pa stazje òf interkambio di estudio ku ta kuminsá entre 15 di yanüari i 31 di yüli 2026.
- Entre 15 di mei i 31 di mei 2026 pa stazje òf interkambio di estudio kuminsando entre promé ougùstùs 2026 i 14 di yanüari 2027.
- Entre 15 di òktober i 31 di òktober 2026 pa stazje òf interkambio di estudio kuminsando entre 15 di yanüari 2027 i 31 di yüli 2027.
Despues di e fechanan menshoná ariba, tur studiante ku a entregá un petishon lo risibí un disposishon denter di 6 siman tokante asignashon òf rechaso di nan petishon a base di e sorteo.
Kada semèster ta pone entre 50 i 60 beka di Reino disponibel pa studiante. Tira un bista riba e sekshon di Q&A pa esaki.
Den e partishon akibou por mira kuantu beka tin disponibel pa kada isla/ pais i pa kada nivel.
Aruba | |
|---|---|
| Kantidat di lugá pa kada semèster |
82.600 |
| Di lokual mbo |
29.500 |
| Di lokual hbo i universidat |
53.100 |
Netherlands | |
| Kantidat di lugá pa kada semèster |
65.900 |
| Di lokual mbo Hulanda Oropeo |
14.100 |
| Di lokual enseñansa avansá Hulanda Oropeo |
28.200 |
| Di lokual Hulanda Karibense |
23.600 |
Sint Maarten | |
| Kantidat di lugá pa kada semèster |
35.400 |
| Di lokual mbo |
11.800 |
| Di lokual universidat |
23.600 |
Kòrsou | |
| Kantidat di lugá pa kada semèster |
118.000 |
| Di lokual sbo |
41.300 |
| Di lokual universidat |
76.700 |
Sumanan di beka ku ta disponibel segun pais di origin I no segun pais di destino.