Bo ke hasi un petishon pa un beka di Reino pa haña supsidio pa bo stazje òf interkambio di estudio den un otro parti di Reino? Via e formulario Aanvragen Koninkrijksbeurs (Petishon beka di Reino) bo por entregá e petishon. Ku e formulario wijzigingen Koninkrijksbeurs (kambionan beka di Reino) ta fásil pa bo pone nos na altura di kambionan den bo situashon. Chèk adelantá si bo ta kumpli ku alle voorwaarden (tur e kondishonnan) pa bini na remarke pa esaki.
Formulario di petishon beka di Reino
Promé, lesa akibou kiko bo tin mester di dje pa bo por entregá e formulario di petishon.
Pa nos por traha riba e petishon pa e beka di Reino, bo mester suministrá e siguiente dokumentonan via koninkrijksbeurs@rijksdienstcn.com.
Lo no tuma petishonnan inkompleto den konsiderashon.
- Formulario Hasi Petishon pa beka di Reino kompletamente yená
- Formulario Deklarashon instituto di enseñansa kompletamente yená
- Kopia pasport òf pèrmit di estadia si bo no tin nashonalidat hulandes (number di pasport i BSN ta tapá*)
- Prueba di inskripshon instituto di enseñansa
Paga tinu! Kada aña, tin solamente un kantidat di beka limitá disponibel; un petishon kompleto no ta nifiká un kompromiso ku lo asigná e beka di Reino. Pa informashon tokante e bekanan disponibel por tira un bista riba e subsidieregeling Koninkrijksbeurzenprogramma (areglo di supsidio programa di beka di Reino) kompleto.
*Pa tapa bo datonan di pasport, bo por hasi uso di e app KopieID. Pa mas informashon tokante esaki, wak Hoe maak ik met de KopieID-app een veilige kopie van mijn identiteitsbewijs? | Rijksoverheid.nl. (Kon mi ta hasi un kopia seif di mi prueba di identidat?)
Importante despues di entregá bo aplikashon
Despues di entregá bo aplikashon via meil:
- bo ta risibí outomátikamente un konfirmashon di resepshon (konfirmashon tékniko di resepshon).
- Asina ku kontrolá ku bo aplikashon ta kompletu, lo bo risibí un number di korespondensia personal di nos. Esaki ta nifiká ku a prosesá bo aplikashon ofisialmente.
Bo no a risibí un konfirmashon di resepshon denter di 2 dia di trabou?
Por fabor tuma kontakto ku nos mesora via koninkrijksbeurs@rijksdienstcn.com pa kontrolá si a risibí bo aplikashon korektamente. Si nos no a risibí un petishon i e último fecha pa entregá esaki a pasa, lamentablemente nos no por inkluí bo petishon mas den e sorteo/rifa.