Informashon pa Instituto di Enseñansa tokante e beka di Reino
Di e institutonan di enseñansa hulandes ta ferwagt lo siguiente:
- Informá studiante tokante eksigensia pa petishon di un beka di Reino;
- Kontrolá si e studiantenan skohé ku ta bai entregá un petishon ta kumpli ku tur eksigensia;
- Entregá un formulario ‘Deklarashon di Instituto di enseñansa’ yená, firmá i di stèmpel na e studiante ku ta partisipá;
- Entregá un prueba di inskripshon na e studiante ku ta partisipá.
Ora un studiante pidi e International Office di e instituto di enseñansa en kestion pa kooperá ku entrega di un petishon pa e beka di Reino, e International Office lo mester ehersé un kontrol promé ku entregá e formulario ‘Deklarashon di Instituto di Enseñansa’ na e studiante.
E studiante mester kumpli ku e siguiente kondishonnan:
- E studiante ta inskribí na un estudio fultaim den e instituto.
- E studiante a kompletá tur e materianan di e promé aña. Esaki no ta konta pa studiante di master.
- E studiante ta kumpli ku tur eksigensia di e estudio pa bai sigui un stazje òf interkambio.
Ora tur kos ta na òrdu, e International Office ta duna e studiante un Deklarashon di Instituto di enseñansa yená, firmá i di stèmpel di moda ku e studiante por entregá esaki huntu ku e otro eksigensianan.
E kantidat di beka ta limitá. P’esei, e asignashon lo tuma lugá a base di un sorteo den presensia di un notario. Esaki ta konta pa tantu e lugánan disponibel pa mbo komo pa hbo .