Kondishonnan

• Bo ta sigui un estudio MBO/SBO nivel 3, 4 un estudio HBO òf WO na un instituto di enseñansa denter di Reino.
• E instituto di enseñansa unda bo ta sigui un estudio, ta pará riba e webpage di skolnan
• Bo ta sigui un estudio fultaim.
• E periodo di e stazje òf interkambio di estudio ta dura un mínimo di 2 i un máksimo di 6 luna.
• E interkambio di estudio ta un parti obligatorio òf èkstra-kurikular di e estudio ku bo ta sigui. E stazje ta un parti obligatorio di e estudio ku bo ta sigui.
• Bo tin e nashonalidat hulandes òf bo ta bini na remarke pa finansiamentu di estudio a base di bo pèrmit di estadia. Pa pèrmit di estadia ta konta lo siguiente:

• Bo tin un statùs di estadia ku a base di un tratado òf dekreto a igualá na e nashonalidat hulandes.
• Bo ta biba na Hulanda Oropeo i sigun e medidanan general di gobernashon bo ta pertenesé na un grupo di persona designá ku riba tereno di finansiamentu di estudio tin mesun statùs ku un hende ku e nashonalidat hulandes.
• Bo a kompletá tur materia di e promé aña di estudio. E eksigensia aki no ta konta pa studiante ku ta sigui un master.
• Promé ku e stazje òf interkambio di estudio, bo no a pidi un NL Scholarship òf un BPV di Reino na mes momentu.
• Bo no a yega di haña e beka di Reino anteriormente.
• Entregá un petishon kompleto ku e dokumentonan korespondiente.
• E petishon pa e beka di Reino ta drenta denter di e periodo ku a fiha pa bo stazje òf interkambio di estudio via koninkrijksbeurs@rijksdienstcn.com.

Bo no ta kumpli ku tur kondishon, òf bo tin duda? E ora ei, drenta den kontakto ku nos via koninkrijksbeurs@rijksdienstcn.com.

Paga tinu! Si bo ta kumpli ku tur kondishon, ainda esei no ta un garantia di kompromiso pa un beka. Esaki ta dependé di e sorteo ku ta tuma lugá kada semèster. Pa informashon tokante e fechanan di publikashon pa e sorteo, wak Lotingsdata. (Dato tokante sorteo)