Pregunta i Kontesta

Si bo no tin e nashonalidat hulandes, den algun kaso tòg bo por bini na remarke pa e beka di Reino. Esaki ta dependé di unda bo ta studia i si bo ta risibí finansiamentu di estudio. Bo mester indiká esaki kla riba e formulario di petishon. Si nos tin mester di mas informashon serka bo pa aklarashon, nos lo tuma kontakto ku bo.

Si bo petishon pa e beka di Reino no ta kompleto, nos lo duna bo e oportunidat pa suministrá e dokumentonan i/ òf e informashon adishonal na nos denter di 4 siman. Paga tinu! Nos mester risibí tur dokumento promé ku deadline di e semèster ku ta konta pa bo. Si no a entregá esakinan promé ku e deadline, bo petishon no ta bálido i pues lo no ta inkluí den e sorteo.

Bo por hasi un petishon pa e beka di Reino solamente pa estudionan fultaim na e institutonan di enseñansa manera menshoná riba e página onderwijsinstellingen (institutonan di enseñansa). Studiantenan di estudionan partaim no ta bini na remarke pa e beka di Reino.

Nò, studiantenan ta bini na remarke pa e beka di Reino solamente ora nan ta sigui un estudio fultaim na un di e institutonan di enseñansa menshoná riba e página onderwijsinstellingen (institutonan di enseñansa). Studiantenan ku ta siguiendo un estudio serka otro institutonan di enseñansa no ta bini na remarke pa e beka di Reino.

Bo por hasi un petishon pa e beka di Reino den e periodo entre 15 di yanüari i 31 di yüli, òf entre 1 di ougùstùs i 14 di yanüari .

E semèsternan di e institutonan di enseñansa na Sint Maarten tin un fecha diferente. E fechanan inisial di e semèsternan na Sint Maarten ta fihá respektivamente riba 1 di ougùstùs i 15 di yanüari. A tene kuenta ku esaki den e areglo di supsidio. Bo por hasi un petishon pa e beka di Reino si tin fechanan inisial diferente na vigor, basta esaki ta pa interkambio di estudio na Sint Maarten.

Nò, bo por hasi un petishon pa e beka di Reino solamente si e periodo ta mas largu ku 21 dia, pero mas kòrtiku ku 6 luna.

Despues ku bo a risibí un disposishon, bo por spera e pago riba e siguiente fechanan: 

• 15 di yüli 2024, pa stazje òf interkambio di estudio kuminsando entre promé di sèptèmber i 31 di òktober 2024.
• 2 di yanüari 2025, pa stazje òf interkambio di estudio kuminsando entre promé di febrüari i 31 di mart 2025.
• 15 di yüli 2025, pa stazje òf interkambio di estudio kuminsando entre promé di sèptèmber i 31 di òktober 2025.
• 2 di yanüari 2026, pa stazje òf interkambio di estudio kuminsando entre 15 di yanüari i 31 di yüli 2026.
• 15 di yüli 2026, pa stazje òf interkambio di estudio kuminsando entre promé di ougùstùs 2026 i 14 di yanüari 2027. 
• 2 di yanüari 2027, pa stazje òf interkambio di estudio kuminsando entre 15 di yanüari i 31 di yüli 2027.

Dependiendo di unda bo ta studia i unda bo ta bai pa e stazje òf interkambio di estudio, bo ta haña:

• € 850 pa luna pa studiante studiando na e parti karibense di e Reino ku ta bai Hulanda;
• € 650 pa luna pa tur otro studiante.
  
  Paga tinu!
• Si e último luna di e stazje òf interkambio di estudio ta dura ménos ku 21 dia kalendario, pa e último luna bo NO TA bini na remarke pa un pago pa gastu di bida.
• Si e último luna di stazje òf interkambio di estudio ta dura 21 dia kalendario òf mas, SÍ bo ta bini na remarke pa un pago mensual kompleto.

Despues ku e sorteo pa e semèster a tuma lugá serka e notario, lo bo risibí un disposishon den lokual tin pará si bo lòt a sali ganadó pa e beka di Reino, sí òf nò.

Dependiendo di e informashon ku bo a suministrá riba e formulario di petishon, nos lo kontrolá si e montante di supsidio ku a pidi ta klòp ku e Subsidieregeling Koninkrijksbeurzenprogramma (Areglo di supsidio programa di beka di Reino). Si bo lòt sali ganadó, lo bo haña un disposishon ku ta kontené e montante di supsidio ku mester paga bo.

E sorteo via e notario lo tuma lugá despues di e fecha di klousura pa entrega di petishon. Despues di esaki, nos por traha e disposishon. Esaki ta entre 4 i 6 siman despues di e fechanan di klousura pa e inskripshonnan di e semèster en kestion.

E idioma ofisial di komunikashon i legislashon pa e Rijksdienst Caribisch Nederland ta hulandes. P’esei, no ta posibel pa risibí e disposishon den un otro idioma ku no ta hulandes. E informashon tokante e beka di Reino i e formularionan korespondiente sí ta disponibel na hulandes, ingles, papiamento, i papiamentu. Bo por hasi bo preguntanan via e-mail den e idiomanan aki tambe.

Den e disposishon ku bo a risibí tin pará unda bo por oponé. Si bo ke oponé e disposishon ku bo a risibí, bo por dirigí esaki na koninkrijksbeurs@rijksdienstcn.com. Nos lo traha riba bo karta di opheshon. Lo bo risibí un konfirmashon di resepshon di nos denter di algun dia.

Den e disposishon ku bo a risibí tambe tin pará e término denter di kua bo por entregá un karta di opheshon. Denter di 6 siman despues di e fecha riba e disposishon bo por entregá e opheshon serka nos. Ora nos risibí un karta di opheshon mas lat, nos lo no por traha riba esaki.

E úniko manera pa oponé un disposishon ta por eskrito. Por entregá e karta di opheshon na hulandes, ingles, papiamento, òf papiamentu.

E karta di opheshon en todo kaso mester kontené lo siguiente:

• Bo nòmber, fam i adrès
• E fecha i lugá
• Un deskripshon di e desishon ku bo ke oponé, proveé di e number di e disposishon den e korespondensia.
• E motibu pakiko bo no ta di akuerdo ku e disposishon
• Bo firma
• Si esaki ta posibel, un kopia di e desishon en kestion komo anekso

Denter di 4 luna despues di e fecha di resepshon, bo ta haña un reakshon riba e karta di opheshon. Por ta ku nos tin mester di mas informashon pa por kaba di traha ku e karta di opheshon korektamente.
Den e kaso ei nos lo tuma kontakto ku bo. Esaki no ta kambia nada na e término di 4 luna denter di lokual bo ta haña un reakshon di nos.

Ora bo no a risibí un disposishon serka nos, bo no por entregá un karta di opheshon. Bo por tuma kontakto ku nos tur ora bai sí, por ehèmpel pa mèldu un keho via  koninkrijksbeurs@rijksdienstcn.com. E ora ei, nos lo purba trata bo e-mail ku e keho mas pronto posibel.

Nos no ta kompartí bo datonan ku terser partido, i nos ta elaborá bo informashon sigun e eksigensianan stipulá den legislashon di privasidat. Nos ta trata datonan personal ku nos ta warda di bo ku koutela, ku e meta pa por ehekutá e aktividatnan atministrativo rondó di e beka di Reino bon.

Ora nos risibí bo petishon, nos ta pidi un kopia di bo pasport. Asina ku nos por determiná ku bo a entregá bo petishon por kompleto, lo eliminá e kopia di e pasport. Tur otro dato personal nos lo warda en todo kaso te dia promé di aprel 2029.

Pa kada semèster, tin entre 50 i 60 beka disponibel. Den e repartishon akibou, por mira kuantu beka tin disponibel pa kada isla, pais i nivel.

Sumanan di beka ku ta disponibel segun pais di origin I no segun pais di destino. 

Pa mas informashon, wak e Subsidieregeling Koninkrijksbeurzenprogramma (areglo di supsidio programa di beka di Reino)

Bo mester laga nos sa nos tokante kambionan den bo situashon pa mas tardá denter di 10 dia di trabou. Pasobra tin kambionan ku por tin influensia riba e montante ku a asigná na bo kaba. Esei por nifiká ku awor bo a risibí muchu hopi òf muchu tiki.

Bo por tuma kontakto ku nos via: