Hasi petishon pa finansiamentu di estudio

Aklarashon riba e formulario

Adrès unda bo ta biba

Yena aki e nòmber di kaya unda bo ta biba. Bo no tin datonan di adrès eksakto? Duna mas tantu informashon tokante bo adrès ku ta posibel.

Adrès pa korespondensia

Si bo ke risibí bo pòst na un otro adrès ku e adrès unda bo ta biba, yena bo adrès pa pòst aki.

Isla

Skohe e isla unda bo ta biba na e momento aki.

Lugá di nasementu

Yena aki, e nòmber di e lugá i e isla unda bo a nase.

Nashonalidat i lugá unda bo ta biba

Marka aki kua situashon ta aplikabel na bo. Nos lo puntrabo despues di bo registrashon pa demostrá bo nashonalidat i lugá unda bo ta biba pa medio di un ekstrakto di e registro sivil di bo isla.

Diferente

Si ningun di e situashonnan serka ‘nashonalidat i lugá unda bo ta biba’ ta aplikabel pa bo, bo por skohe pa ‘Diferente’. Deskribí kua nashonalidat bo tin, na kua isla bo ta biba i kon largu bo ta biba aki.

Number di kuenta

Yena bo number di kuenta. Riba e number di kuenta aki nos lo depositá bo finansiamentu di estudio.

Number di telefòn

Yena bo mes number di telefòn aki.

Kua estudio bo ta bai hasi? Kua skol? Nòmber di e diploma/grado ku bo ta bai optené?

Yena e datonan di e estudio ku bo ta bai sigui aki. Riba e website di e skol bo ta haña e informashon aki. Bo por haña Finansiamentu di Estudio BES pa diferente estudio na Hulanda Karibense, Kòrsou, Sint Maarten òf Aruba.

Bo ta bai studia na Merka, Canada, Islanan Vírgen merikano, Anguilla, Antigua i Barbuda, Bahamas, Barbados, Belize, Bermuda, Islanan Vírgen britániko.  Colombia, Costa Rica, Cuba, Dominica, República Dominicana, Grenada, Guadeloupe, Haiti, Jamaica, Islanan Kaiman, Montserrat, Navassa, Puerto Rico, Saint Barthélemy, Saint Kitts i Nevis, Saint Lucia i Grenadines, Trinidad and Tobago, Turks and Caicos Islands, òf Venezuela? 

E ora ei tambe bo por bini na remarke pa Finansiamentu di Estudio BES si e estudio ta kumpli ku e kondishonnan ku ta stipulá akibou. 

Tipo di estudio

Indiká aki ki tipo di estudio bo ta bai sigui.

• Sbo:
  Enseñansa profeshonal sekundario. Den sbo tin dos ruta edukativo: studia trahando (WL) i traha studiando (LW) i kuater nivel di kualifikashon (asistente, praktikante di un profeshon, funshonario di un ofishi i funshonario di middenkader (nivel mediano).

• Mbo:
  Enseñansa profeshonal sekundario. Den e mbo tin dos ruta edukativo: e ruta guia di profeshon (bbl) i e ruta formashon di profeshon (bol).
• BOL ta konosé kuater nivel:
  • nivel 1: estudio di asistente,
  • nivel 2: estudio di profeshon básiko,
  • nivel 3: estudio di ofishi,
  • nivel 4: estudio di middenkader (nivel mediano) i estudio di spesialista.
• Hbo: 
  Enseñansa profeshonal superior

Bo no tin derechi riba finansiamentu di estudio pa kada estudio:

• SBO (BOL) nivel 1 òf 2: pa nivel 1 òf 2 bol, bo ta haña finansiamentu di estudio den forma di un regalo. Pa bbl bo no tin derechi riba finansiamentu di estudio.
• SBO (BOL) nivel 3 òf 4: pa un estudio na nivel 3 òf 4 bo ta haña finansiamentu di estudio den forma di un beka di prestashon.
• SBO (BBL): pa esaki bo no tin derechi riba finansiamentu di estudio.
• Hbo: pa un estudio di hbo, bo ta haña finansiamentu di estudio den forma di un beka di prestashon.
• Universidat: pa un estudio universitario bo ta haña finansiamentu di estudio den forma di un beka di prestashon.

Esaki ta un estudio fultaim òf partaim?

Indiká aki si bo ta bai sigui un estudio fultaim òf partaim. Solamente pa un estudio fultaim bo tin derechi riba finansiamentu di estudio.

Kon largu e estudio ta dura?

Indiká aki kon largu e estudio ta dura. Bo estudio ta dura ménos ku un aña? E ora ei bo no tin derechi riba finansiamentu di estudio.

Desde kua fecha bo ta inskribí pa e estudio?

Yena aki e fecha desde kua bo ta inskribí pa e estudio. Mayoria biaha esaki ta e promé dia di e luna den kua e lèsnan ta kuminsá.

Bo ke fia sèn banda di e beka di prestashon?

Banda di bo beka di prestashon bo por fia sèn. Indiká e ora ei, kua suma pa luna, bo ke fia. Paga tinu: Bo ta paga interes riba e suma fiá. Semper bo mester paga e fiansa bèk. 
Wak aki pa mira kuantu bo por fia máksimo. Bo no mester fia e suma máksimo, bo por yena un suma mas abou tambe. 

Bo lo ke wòrdu pagá e promé tres lunanan den un solo biaha, komo un adelanto?

Nos por paga e promé tres lunanan di finansiamentu di estudio den un solo biaha komo adelanto. Si bo hasi uso di esaki, (despues di a risibí e adelanto) bo no ta haña finansiamentu di estudio pa e promé tres lunanan. Bo por laga paga e adelanto, máksimo tres luna promé ku bo derechi riba finansiamentu di estudio inisiá.