Areglo di reklamo
Bo tin reklamo tokante e forma kon kos ta kana na skol? E promé paso ta pa papia tokante esaki ku e hende na skol ku ta direktamente envolví.
Si abo i e persona ei no keda kla, bo por tuma kontakto e ora ei ku gerensia òf, si ta nesesario, ku direktiva di skol. Si esaki no resultá den un solushon bo por entregá e ora ei un keho ofisial serka Komishon di Reklamo. Tin un formulario standart disponibel pa esaki. Bo por pidi esei na skol òf serka RCN/OCW. Skol ta obligá pa duna informashon tokante areglo di reklamo, por ehèmpel den nan guia di skol òf riba nan wèpsait. Mandadónan di reklamo por ta alumnonan, mayornan/kuidadornan i tur hende ku ta forma parti di un skol, inkluyendo voluntarionan.
Komishon di reklamo
E komishon ta atendé keho konfidensialmente i ta reakshoná denter di kuater siman. A base di konseho di komishon di reklamo direktiva di skol por tuma medida. Konseho di komishon di reklamo no ta obligatorio. Skol por haña un otro idea sí kon pa atendé un kaso. Komishon di reklamo ta konsistí di un representante pa kada isla di Hulanda Karibense.
Pregunta?
Pa pregunta tokante areglo di keho òf komishon di keho bo por akudí na skolnan na Hulanda Karibense òf na RCN/OCW via email: ocw@rijksdienstcn.com.