Idioma den enseñansa

Idioma di instrukshon na Boneiru

Na Boneiru ta duna lès na papiamentu den e di promé dos añanan di instrukshon, i lès di hulandes komo idioma stranhero fuerte. Esei ta nifiká ku ta duna lès di hulandes komo un materia importante. Kuminsando na grupo tres e alumnonan ta haña lès na hulandes. Na skol sekundario, Scholengemeenschap Bonaire, SGB, hulandes ta idioma di instrukshon. Papiamentu tin státus di materia importante den enseñansa sekundario na Boneiru.

Idioma di instrukshon na Sint Eustatius i Saba

Den enseñansa básiko i sekundario na Sint Eustatius i Saba ta duna lès na ingles. Na e islanan akí hulandes ta un asina yamá ‘idioma estranhero fuerte.’ Esei ta nifiká ku ta duna lès di hulandes komo materia, hasiendo uso di didáktika di hulandes komo idioma estranhero (NVT Nederlands als vreemde taal). Na e skolnan akí hulandes ta un idioma strañero fuerte pasobra e ta importante pa e alumnonan. Por ehèmpel pa un estudio na Hulanda òf futuro trabou serka gobièrnu lokal. Ke mèn den programa di skol tin mas énfasis riba hulandes ku riba otro idioma stranhero manera spañó òf franses.