Sistema di enseñansa CXC

Na Sint Eustatius i Saba enseñansa ta na ingles. Ta p’esei Saba Comprehensive School i Gwendoline van Puttenschool na Sint Eustatius ta usa e sistema karibense di enseñansa na ingles CXC di Caribbean Examination Council.

E skolnan sekundario konserní ta prepará introdukshon di e e sistema eskolar akí ku masha koutela. Nan ta hasi esaki den kooperashon estrecho ku CXC Examination Council na Barbados i (RCN) OCW.

Aktualmente e tipo di enseñansa havo i mbo ta disparsé pokopoko segun e normanan di sistema hulandes. Entrante aña eskolar 2019-2020 ta remplasá nan ku CVQ (pa mbo) i CSEC (pa havo). E nivel final di e sistema di enseñansa CXC ku módulo adishonal, ta similar na e nivel pa por sigui studia den sistema di enseñansa hulandes.

E skema akibou ta mustra e diferente nivelnan ku alumno tin na ora di kaba skol na Saba i Sint Eustatius.

Skema pa sigui studia ku CXC na Saba i Sint Eustatius

Skema pa sigui studia ku CXC na Saba i Sint Eustatius

CCSLC

CCSLC ta e parti di e klasnan mas abou di e programa di Programa di Enseñansa CXC, e ta kubri tres aña. CCSLC ta para pa Caribbean Certificate of Secondary Level Competence. Despues di skol básiko alumno ta drenta den programa di CCSLC.

E programa di CCSLC tin tantu elemento ‘akadémiko’ komo elemento di enseñansa profeshonal. 

E parti akadémiko ta komparabel ku programa hulandes di havo/vmbo-T. E parti di enseñansa profeshonal ta ekivalente na programa di mbo. Despues di finalisá CCSLC e alumno ta pasa sea pa e programa di CVQ òf di CSEC.

CVQ

CVQ ta para pa Caribbean Vocational Qualification. E programa di enseñansa profeshonal akí tin un enfoke di kompetensia dirigí riba formashon, prueba i sertifikashon. Ta fèrwagt di alumno di CVQ ku nan ta kumpli di un forma demostrabel ku stándart fihá pa profeshonal, dunadó di trabou i sektor komersial. CARICOM ta aprobá e stándartnan akí. CARICOM ta un union karibense di 15 pais i isla karibense. Meta di CARICOM ta pa mehorá relashon komersial i ekonómiko entre e pais i islanan partisipante. 

CSEC

CSEC ta para pa Caribbean Secondary Education Certificate. CSEC ta un programa ‘akadémiko.’ Ku módulo adishonal e programa akí ta similar na havo den sistema di enseñansa hulandes. Ta pasa èksamen di CSEV por lo general despues di sinku aña di skol sekundario.

Wèpsait

Pa mas informashon tokante programa CXC wak: www.cxc.org