Sistema di enseñansa CXC
Na Sint Eustatius i Saba enseñansa ta na ingles. P’esei, e skolnan Saba Comprehensive School na Saba i Gwendoline van Putten School na Sint Eustatius ta hasi uso di e sistema di CXC, e sistema di enseñansa karibense na ingles di e Caribbean Examination Council (Konseho Karibense di Èksamen). E ta un sistema di enseñansa rekonosé rònt mundu. Alumnonan ku finalisá nan estudio CXC por sigui studia tantu den region karibense, na Merka i Canada, komo na Hulanda.
Den e klasnan mas abou (onderbouw) di CCSLC, tur e alumnonan ta huntu. Despues di finalisá e klasnan mas abou, e alumnonan ta sigui sea e direkshon akadémiko (komparabel ku e Theoretische Leerweg (Ruta Edukativo Teorétiko) òf havo), òf enseñansa vokashonal (komparabel ku mbo). E direkshon akadémiko den e sistema CXC yama CSEC. Esaki ta para pa Caribbean Secondary Education Certificate (Sertifikado Karibense di Edukashon Sekundario). E direkshon di enseñansa vokashonal yamá CVQ. CVQ ta e abreviashon di Caribbean Vocational Qualification (Kualifikashon Vokashonal Karibense). Tur dos direkshon ta dura dos aña. Alumno ku ke bai universidat, despues di e CSEC por sigui e direkshon di CAPE, ku ta dura dos aña. CAPE ta para pa Caribbean Advanced Proficiency Examination (Èksamen Karibense di Kapasidat Avansá).
CAPE
Por sigui e programa di 2 aña aki despues di optené e sertifikado CSEC, i por kompará esaki ku un nivel vwo di traha i pensa. E diploma aki ta duna akseso na enseñansa mas aleu na nivel akadémiko.
