Balidashon di diploma di solisitante
Pa lei tur dosente na Hulanda Karibense mester tin un diploma ku ta rekonosé pa ministerio di OCW. Durante proseso di solisitut mester balidá diploma di solisitante ku no a haña nan kualifikashon na Hulanda òf un instituto di enseñansa ku ta rekonosé pa NWAO*.
E palabrashon ta ku direktivanan di skol ta manda diploma di e solisitante konserní pa RCN/OCW, pa laga Nuffic** validá esei. Si ta balorá e diploma positivamente, ta kuminsá e proseso pa e solisitante haña su deklarashon di kualifikashon.
Direktiva di skol ku ke tuma solisitante ku un balorashon negativo tòg den servisio, mester haña pèrmit spesial pa esaki di inspekshon di enseñansa.
*Nederlands Vlaamse Accreditatie Organisatie. E organisashon akí ta akreditá tur estudio na Hulanda.
**Organisashon pa internashonalisashon den enseñansa, ku ta balorá estudio i diploma internashonal tambe.