Beka di Dosente
Bo ta dosente diplomá i bo ke sigui un edukashon bachelor òf master? Ta posibel pa bo haña un beka di dosente. Ku esaki bo por paga e gastunan di bo estudio. E Beka di Dosente ta disponibel tambe pa supervisor interno, kordinadó di kuido i ‘remedial teacher’.
Bo por pidi e beka di dosente pa:
Un edukashon bachelor òf master;
- Un edukashon master (post inisial, nivel hbo pa studiante ku hopi eksperensia di trabou i ku diploma hbo òf wo);
- Un programa premaster òf un programa pa sigui promé ku suich pa e programa master na un universidat.
Paga tinu: Bo no por haña un beka di dosente pa un edukashon post-hbo
Kondishonnan pa pidi un Beka di Dosente
- Bo ta sigui e edukashon na Hulanda, den UE, na Hulanda Karibense òf na Aruba, Kòrsou òf Sint Maarten. E edukashon mester ta rekonosé òf akreditá.
- Bo por haña tur kondishon pa e beka di dosente riba e website di Dienst Uitvoering Onderwijs (DUO). Ku e Guia di Kondishon pa un beka di dosente bo por kontrolá si bo ta kumpli ku e kondishonnan.
Kon ta pidi e Beka pa Dosente?
Si bo ta biba na Hulanda Karibense i bo no tin un number di servisio di siudadano, bo mester pidi e formulario digitalmente. Bo por dirigí un mail pa esaki na
lerarenbeurs@duo.nl. Bou di tópiko bo ta yena ‘aanvraag formulier Lerarenbeurs'.