Subsidio kultural
Mas abou por haña informashon tokante di e diferente fondonan kultural i Landelijk Kennisinstituut Cultuureducatie en Amateurkunst (LKCA).
LKCA
Instituto Nashonal di Edukashon Kultural i Arte Amatùr (LKCA) ta empeñá su mes pa yuda amplia e atenshon pa ku edukashon kultural, partisipashon kultural i e aksesibilidat di kultura. For di mart 2020, a establesé un kolaborashon aktivo entre LKCA i e islanan di Hulanda Karibense. Un entrenamentu den edukashon kultural a marka e punto di salida aki. Ta sirbi provinsianan i regionnan Hulandes dor di representantenan di LKCA ku por fasilitá e apoyo aki na institushonnan kultural, profesornan i e stipuladónan di maneho den e promoshon di edukashon kultural i partisipashon kultural. E representante di LKCA pa e área di Karibe tambe ta mantené kontakto ku e paisnan di Aruba, Kòrsou, i Sint Maarten. E Ministerio di Enseñansa, Kultura i Siensia di Hulanda (OCW) ta supsidiá LKCA pa e implementashon di:
- profeshonalisashon di e funshon di edukashon den e sektor kultural;
- informashon nashonal i funshon di red tantu pa arte amatùr komo pa edukashon kultural;
- investigashon i monitòr pa arte amatùr i edukashon kultural.
Den e kaso aki, LKCA ta operá den tur e disiplinanan i ta kontribuí na e implementashon di programanan gubernamental riba tereno di edukashon i partisipashon kultural. Por ehèmpel, LKCA ta e sosio di konosementu den e programa di OCW Edukashon Kultural ku Kalidat i ta responsabel pa introdusí, kolekshoná i kompartí konosementu tokante edukashon kultural paden i pafó di e programa.
Representante pa region di Karibe
Sra. Eeke Wervers, Spesialista den edukashon kultural: EekeWervers@lkca.nl
Number di telefòn: +31 30711 51 37
Fondo pa Arte riba Podio
E fondo pa Arte riba Podio ta e fondo kultural pa músika, teatro musikal, baile, teatro i festivalnan na Hulanda. Na nòmber di Gobièrnu di Reino, e fondo ta duna apoyo na tur forma di arte di esenario profeshonal i tambe ta aksesibel pa islanan di Hulanda Karibense. Fondo pa Arte riba Podio ta para pa kalidat, den e sentido mas amplio di palabra. Ademas di kalidat, rendimentu ta hunga un papel kada bes mas importante. E fondo ta aspirá pa logra un sektor di arte di esenario ku ta atraé, move mas tantu hende posibel i ta para sentral den komunidat. Ademas, Fondo pa Arte riba Podio ke distinguí su mes dor di ta kuidadoso i transparente den nan evaluashonnan i desishonnan. E fondo ta disponé di un presupuesto di 62 mion euro.
Ademas di e supsidionan multi-anual, e Fondo pa Arte riba Podio ta ofresé diferente supsidio pa programashon i produkshon, i tambe supsidio individual. Ta pone atenshon spesial riba internashonalisashon i pluralismo entre empresa, esenario, i públiko. E fondo tambe ta pone atenshon spesial riba e diversifikashon kultural den e sentido mas amplio posibel. Un tarea spesial di e fondo ta pa stimulá inovashon den e kadena di kreashon, produkshon, distribushon, i kompra.
E Fondo pa Arte riba Podio ta traha ku un grupo grandi di konseheronan ku den komishonnan ku komposishon variabel ta duna konseho tokante petishonnan di supsidio. Ta usa nan eksperensia tambe pa bishitá presentashon i pa desaroyo di maneho.
Personanan di kontakto pa Region di Karibe
Kaajal Bachoe: k.bachoe@fondspodiumkunsten.nl
Jenny Mijnhijmer: j.mijnhijmer@fondspodiumkunsten.nl
Fondo pa Partisipashon Kultural
Komo Fondo di Reino pa Kultura, e Fondo di Partisipashon Kultural a haña e enkargo pa hasi kultura aksesibel pa tur hende. Aksesibilidat tin un balor sosial i tambe ta importante pa e renovashon di e paisahe kultural. E Fondo di Partisipashon Kultural ta enfoká riba partisipashon kultural, e patrimonio inmaterial, boluntarionan di e patrimonio i di edukashon kultural, i ta enfoká riba e promoshon di un kultura atraktivo i aksesibel.
E Fondo pa Partisipashon Kultural ta stimulá partisipashon den kultura. Den enseñansa, e fondo ta forma e base di enseñansa kultural di kada mucha. Ademas, tur hende ku ke mester por tin e posibilidat den nan tempu liber pa sigui desaroyá nan mes. Inkluso esnan pa kua esaki no ta algu natural. Na un manera di kalidat ku ta kumbiní i ta serka di e partisipante. Di e manera aki, e fondo ta kontribuí na un sosiedat habrí den kua tur hende por desaroyá nan kreatividat.
Representante di Region di Karibe
Femie Willems: F.willems@cultuurparticipatie.nl
Gino van Zolingen: g.vanzolingen@cultuurparticipatie.nl
Fondo pa Stimulá Industria Kreativo
E Fondo pa Stimulá Industria Kreativo na Rotterdam ta un fondo kultural pa e diseño tipográfiko, arkitektura, kultura digital i tur otro posibel ‘cross-overs’ for di Hulanda, tantu na Hulanda i den eksterior. E fondo pa stimulashon ke hasi un kontribushon supstansial na e kalidat di e praktiká di diseño profeshonal den i spesialmente entre disiplinanan di diseño tipográfiko, arkitektura i kultura digital. Parti di e ophetivo aki ta e interakshon interdisiplinario entre e dominio kultural, sosial i ekonómiko. E fondo pa stimulashon ta apoyá proyekto- i aktividatnan spesial i inovativo di diseñadónan, kreadónan i institushonnan kultural den e industria kreativo.
Tur kontribushon tin komo meta pa enrikesé e sektor kreativo i pa medio di kolaborashon, lucha pa un ekonomia kreativo, basá riba kultura i konosementu. Na mes momento, e fondo ta kontribuí via supsidio i programanan pa formulá solushonnan di diseño ampliamente respaldá pa problemanan sosial.
Persona di kontakto pa region di Karibe
Joris van Ballegooijen: j.vanballegooijen@stimuleringsfonds.nl
Number di telefòn: +31 10 436 16 00
Fondo Mondriaan
E Fondo Mondriaan ta stimulá e sektor di arte visual i patrimonio na nòmber di Ministerio di Enseñansa, Kultura i Siensia. E fondo ta enfoká riba tur arte visual i e patrimonio i su públiko. E fondo ke preservá lokual tin balor i ofresé espasio pa karanan nobo den arte i patrimonio, na historianan nobo i balornan nobo.
E Fondo Mondriaan tin vários opshonnan di kontribushon pa personanan i tambe pa organisashonnan. Por ehèmpel, konsiderá un kontribushon pa un artista ku ta desaroyando un trabou nobo òf un kolaborashon entre un museo i e artista; na un galeria ku ta presentá arte di Hulanda na un ekshibishon den eksterior òf un ‘curator’ ku ta hasi investigashon pa un eksposishon òf publikashon. Tambe, e fondo ta kontribuí na e desaroyo di talento i profundisashon di praktiká pa artistanan ku ta kuminsando i/ òf esnan ku eksperensia, organisadónan di eksposishon i krítikonan. Pa museonan i otro institutonan di arte i patrimonio, tin kontribushon na proyektonan, programashon inovativo, atkisishonnan i kolekshonnan.
Pa evaluá e petishonnan, e konseho di e konseheronan independiente ta desisivo. Ta trata di ekspertonan, manera artistanan, organisadónan di eksposishon, empleadonan di museo, profeshonalnan den área di patrimonio i otro nan ku por apresiá e desaroyo di arte visual i patrimonio kultural. Ta skohe a base di nan eksperensia i nan ta funshoná den komishonnan.
Ademas, e Fondo Mondriaan tambe ta responsabel pa e kontribushon di Hulanda na Biënnale di Venecia, organisashon di Prix di Roma pa artistanan visual i arkitektonan, i e finansiamentu di vários premio di talento patrimonial. Pa fortifiká ainda mas e interkambio internashonal, e fondo ta organisá anualmente un biahe di orientashon pa esnan ku ta duna eksibishonnan, krítikonan i artistanan. Di otro banda, profeshonalnan ekstranhero por partisipá den e programa pa bishitantenan internashonal kaminda nan ta familiarisá nan mes ku arte na Hulanda.
Persona di kontakto den Karibe
Rapti Miedema: r.miedema@mondriaanfonds.nl
Talitha van Ooyen: t.vanooyen@mondriaanfonds.nl
Number di telefòn: T +31 (0)20 523 15 13 (direkto)
Fondo di Sine Hulandes
E mishon di e Fondo di Sine ta pa stimulá un demanda sinematográfiko diversifiká i di kalidat haltu i promové un klima (di produkshon) den Reino ku por ta reseptivo na e arte sinematográfiko. E Fondo di Sine ta enfoká riba e sektor sinematográfiko profeshonal i independiente i ta otorgá kontribushonnan finansiero pa:
- E desaroyo, realisashon i distribushon di produkshonnan sinematográfiko;
- Aktividatnan sinematográfiko, mediante formashon pafó di e proseso di realisashon.
For di promé di yanüari 2021, e struktura di e fondo a ser simplifiká ku un departamento Finansiamentu Selektivo. E departamento nobo aki ta enfoká riba e selekshon di tur e aplikashonnan pa desaroyo i e realisashon di proyektonan sinematográfiko Hulandes, den tur tipo di género, pa esnan ku ta nobato òf mas eksperensiá.
Representante di Region di Karibe
Monique Ruinen: M.Ruinen@filmfonds.nl
Fondo Hulandes di Literatura
E Fondo Hulandes di Literatura ta invertí den e kreashon di literatura den tur género (novela literario, kuenta, kolekshon di poema, palabra papiá, obra di teatro, literario no-fikshon, literatura infantil i hubenil) ku ta skirbí den idioma hulandes òf fris. Riba papel òf digital. Tambe e ta apoyá e ekspanshon di nos literatura tantu na Hulanda i den eksterior.
Eskritornan, poetanan i traduktornan por hasi petishon pa beka pa traha riba nan teksto òf buki nobo. Tambe, e Fondo di Literatura ta duna supsidio pa festivalnan literario, editorialnan (internashonal) i revistanan literario. Ademas, tin vários residensia pa eskritornan i traduktornan, I e fondo tin un kantidat di programa di talento i ta promové literatura hulandes i fris, rònt mundo.
E Fondo Hulandes di Literatura tin un ret nashonal i internashonal grandi, i ta enfoká riba henter e komèrsio di buki literario. E fondo ta traha riba un klima literario mas diverso i riku posibel, ku atenshon riba talent (hóben), publikashonnan spesial, narativo literario, promoshon di lesamentu i desaroyo inovativo tantu di literatura i komèrsio di buki.
Persona di kontakto pa Region di Karibe
Suzanne Meeuwissen: s.meeuwissen@letterenfonds.nl
Number di telefòn: +(31) (0)20 5207300 / +(31) (6) 1111 8384