Informashon pa inisiadó

E lei introdusí resientemente, 'Meer Ruimte voor Nieuwe Scholen' ['Mas Espasio pa Skolnan Nobo'] ta modernisá e reglanan pa establesé un skol nobo den edukashon básiko i sekundario. Ta analisando mas di aserka si tin sufisiente interes pa un skol nobo i si esaki por ofresé sufisiente kalidat.
Ademas di un skol nobo, tambe tin e posibilidat pa establesé un sukursal nobo (dependance) di un skol sekundario eksistente.

Registro di Kámara di Komèrsio

Solamente un persona hurídiko por hasi un petishon pa establesé un skol nobo. Bo mester bai un notario pa krea un persona hurídiko. Despues, e persona hurídiko i e futuro direktornan mester registrá nan mes na Kámara di Komersio. Bo mester di e registrashon  nan aki pa bo por registrá bo inisiativa.

Kalidat edukativo

Den e lei nobo, Inspekshon di Edukashon ta verifiká di antemano si un skol nobo ta kumpli ku tur e kondishonnan, manera kontenido di enseñansa i organisashon di tempu relashoná ku enseñansa, etc. Nan ta hasi esaki basa riba e rekisitonan di kalidat manera establesé den e kader di konseho vigente, ku a publiká dia promé di febrüari 2021 riba e wèpsait di Inspekshon di Enseñansa.

Kombershonnan riba e isla

Parti di bo petishon pa un skol nobo ta enserá ku lo bo bai hiba kombershonnan na e isla di meta pa e skol nobo ku e siguiente partidonan:

• e direktivanan di skol eksistente riba e isla di e skol nobo;
• e entidat públiko di e isla, kaminda lo establesé e skol nobo.

Kòmbersashonnan ku direktivanan eksistente por yuda bo den e proseso di elaborashon di bo konsepto. Konsulta mutuo por garantisá ku un skol eksistente por satisfasé e deseonan di mayornan i studiantenan. Den e kaso aki un skol nobo no ta nesesario. Por ehèmpel, un kòmbersashon ku e entidat públiko por garantisá ku tin alohamentu disponibel na tempu.

Bo tin ku manda bo invitashon direktamente pa e partidonan aki. Na e invitashonnan pa kòmbersashonnan bo mester agregá dokumentonan di bo petishon (pa esaki chèk tambe e 'Procedure voor aanmelden en toetsen nieuwe initiatieven' menshoná aki bou). Lo rechasá bo petishon si e invitashonnan aki no ser hasi i no ser agregá na bo petishon.

Midishon di interes

Komo inisiadó pa establesé un skol nobo, bo mester por demostrá ku tin sufisiente interes pa e skol aki. Di akuerdo ku e lei 'Meer ruimte voor Nieuwe Scholen', tin un método nobo pa midi interes. Mayornan por hasi nan interes pa un inisiativa nobo konosí dor di yena i entregá e formulario 'Ouderverklaring'. Den e kaso aki bo 'voedingsgebied' ta e isla unda bo ke establesé e skol nobo. Den algun kaso, ta eksepshonalmente posibel ku e interes por tuma lugá via un investigashon di merkado. Klik aki pa mas informashon, inkluyendo e kondishonnan pa un investigashon di merkado.

Prosedimentu pa registrá i tèst inisiativanan nobo

Esaki lo drenta na vigor na Hulanda Karibense entrante promé di yüni 2021.

Promé kos ku bo mester hasi ta manda e invitashon pa kòmbersashonnan riba e isla (chèk ariba). Mester hasi esaki promé ku 15 di sèptèmber di e aña kalendario den kua bo ta entrega e petishon. Ora bo ta entrega bo petishon, e invitashonnan no por ta mas bieu ku 1 aña;

1. Registrá bo inisiativa usando e formulario 'Melden Initiatief Caribisch Nederland' abou riba e pagina aki;
2. Mester kompletá e formulario aki entre promé di yüni i promé di yüli na e orarionan spesifiká, personalmente, na e ofisina di Rijksdienst Caribisch Nederland, riba bo isla. Na Boneiru i Sint Eustatius, bo por entrega esaki na e departamentu di Ministerio di Enseñansa, Kultura i Siensia (OCW) i na Saba na e sekretaria di RCN na The Bottom. Riba e página di kontakto di OCW por haña adrès di e ofisinanan.Despues, lo manda bo formulario pa DUO via un konekshon sigurá. DUO lo verifiká si esaki ta kompleto i lo publiká e inisiativa den e resúmen di inisiativanan pa Hulanda Karibense;
3. Entre promé di yüli i 15 di òktober, mayornan por entregá nan formulario kompleto 'Ouderverklaring Caribisch Nederland'  inkluyendo e aneksonan rekerí, entre e orarionan di ofisina indiká, personalmente na e ofisina di Rijksdienst Caribisch Nederland riba nan isla. Tambe, e mayor mester trese su prueba di identifikashon i e number di identifikashon di e yu. E yu mester biba riba e isla kaminda bo ke establesé un skol nobo. E formulario ta disponibel tambe na e ofisinanan ariba menshoná di RCN. Por chèk e prosedimentu kompleto ku e mayornan mester sigui riba e página 'Ouderverklaring voor belangstellingsmeting'
4. Despues di 15 di òktober lo bo haña sa kuantu deklarashon di mayor a ser emití pa bo inisiativa. Despues di esaki, bo por hasi un kalkulashon pa midishon di interes i agregá esaki na bo petishon. Tambe, bo por pidi pa un ‘update’ via duo.dienstpostbus.mrvns@duo.nl.

5. Promé ku promé di novèmber, bo mester manda un petishon final, via e formulario 'Aanvullen en indienen Initiatief Caribisch Nederland', abou riba e página aki . Manda e formulario kompleto, huntu ku tur e aneksonan, pa e ofisina di Rijksdienst Caribisch Nederland riba bo isla. Na Boneiru i Sint Eustatius, bo por entregá esaki na e departamentu di Ministerio di Enseñansa, Kultura i Siensia (OCW)i na Saba na e sekretaria di RCN na The Bottom. Riba e página di kontakto di OCW por haña adrès di e ofisinanan. E empleadonan di OCW na Hulanda Karibense por yuda bo kompletá e formulario si bo ta deseá esaki;

6. Despues, lo manda bo formulario pa DUO via un konekshon sigurá. DUO lo evaluá bo petishon pa wak si esaki ta kompleto i sigurá ku e proseso di bo petishon ta sigui. Por haña un deskripshon di tur lokual bo mester entrega riba e paginá 'Compleet maken en indienen' Inspekshon di Enseñansa ta haña e informashon ku bo a entregá tokante e kalidat sperá di e skol i lo plania un kòmbersashon tokante esaki;
7. Ademas, bo mester manda, promé ku promé di novèmber, e V.O.G.'s (Deklarashon di Bon Kondukta), via pòst (aéreo) pa DUO. E deklarashonnan aki no mag di ta mas bieu ku seis luna. Ta rekomendá pa bo manda e deklarashonnan, sertifiká, via pòst, na e siguiente adrès:
   Dienst Uitvoering Onderwijs, na nòmber di MRvNS
   Postbus 30205
   2500 GE Den Haag
   Nederland
8. Lo bo risibí e desishon di minister via meil i pòst (aéreo). DUO i Inspekshon di Enseñansa lo tuma kontakto ku bo pa informashon adishonal tokante e finansiamentu (di) i kalidat di edukashon. Bo por haña mas informashon di esaki riba e paginá 'Start van de school'.

Ki ora tin sufisiente interes?

Klik aki pa optené mas informashon tokante e standart di fundashon i kon pa kalkulá esaki.