Informashon pa mayor

Kiko ta un deklarashon di mayor?

Dor di entregá un deklarashon di mayor kompletá, bo ta indiká ku bo ke registrá bo yu pa un skol nobo, si akaso e skol aki lo habri. E deklarashon aki no ta nifiká ku bo ta obligá pa hasi esaki. Semper lo bo por disidí di registrá bo yu na otro skol.

Kondishonnan pa e deklarashon di mayor

Pa presentá un deklarashon di mayor, bo mester kumpli ku un di e siguiente kondishonnan:

• Bo ta e mayor/esun ku ta duna kuido/tutor di e yu i tambe outorisá pa tuma desishon;
• Bo por entrega un deklarashon di mayor pa kada mucha;
• Pa edukashon básiko e yu mester ta entre 2 pa 4 aña máksimo riba promé di novèmber di e aña kalendario, den kua bo ta entrega e deklarashon. Pa edukashon sekundario e yu mester ta entre 10 pa 12 aña máksimo;
• E yu mester biba riba e isla kaminda lo establesé e skol nobo;
• Bo no a risibí ningun otro inisiativa aprobá den e último 2 añanan. 

Prosedimentu pa yena i manda deklarashon di mayor 

E proseso aki ta drenta na vigor na Hulanda Karibense entrante promé di yüli 2021.
Kuminsando 2021, bo por apoyá un inisiativa, den e periodo di promé di yüli te mas tardá 15 di òktober ku bo deklarashon di mayor. Ku esaki e esun ku a bin ku e inisiativa por demostrá ku tin sufisiente interes pa e skol nobo.

Prosedura pa yena i entregá deklarashon di mayor

• Bai na e Página di inisiativanan;

• Buska e inisiativa ku bo ke apoyá riba e lista di inisiativanan;
• ‘Download’ e formulario'Indienen Ouderverklaring Caribisch Nederland' i yena esaki. Tambe por buska e formulario aki na e ofisina riba bo isla;
• Chek e státus di e inisiativa, pa sigurá ku no a entregá òf retirá e inisiativa ainda. Pasobra den e kaso ei no ta posibel pa entregá un deklarashon di mayor;
• Entre promé di yüli i 15 di òktober 2021, bo por entregá bo formulario di Deklarashon di Mayor personalmente na e ofisina di Rijksdienst Caribisch Nederland na bo isla. Na Boneiru i Sint Eustatius, bo por entregá esaki na e departamentu di Ministerio di Enseñansa, Kultura i Siensia (OCW)i na Saba na e sekretaria di RCN na The Bottom. Por haña e adrèsnan di ofisina riba e página di Kontakto di OCW. Despues, lo manda bo formulario pa DUO via un konekshon sigurá;
• Mester trese sédula di e mayor(nan) i number di sédula di bo yu. Bo yu mester ta bibando riba e isla kaminda ke habri e skol nobo.

Prosedura pa retirá deklarashon di mayor

Te dia 15 di òktober por retirá e deklarashon di mayor. Pa esaki, ‘download’ e formulario 'Indienen afgegeven ouderverklaring Caribisch Nederland' abou, riba e página aki i yena esaki. Bo por tuma e formulario aki tambe na e ofisina di RCN riba bo isla. Den tur kaso, bo mester entregá e formulario kompletá, personalmente, na e ofisina di RCN di bo isla, manera indiká aki ariba.

Si a retirá e inisiativa

Si esun ku a entregá e inisiativa retirá esaki, e deklarashon ta kaduká i bo por apoyá un otro inisiativa. Lo no notifiká bo di esaki. Bo por chèk riba e Página di inisiativa si a retirá e inisiativa. 

Kon ta sigui?

E minister di Enseñansa, Kultura i Siensia (OCW) lo disidí si e inisiativa nobo pa un skol nobo por sigui òf no, i  lo publiká esaki riba e Página di inisiativa.