Abogado di gobièrnu

Si bo entrada anual ta igual òf ménos ku e salario mínimo aplikabel, bo por apliká pa asistensia hurídiko grátis.

Kon bo ta pidi esei?

Bo mester entregá un petishon serka Rijksdienst Caribisch Nederland (RCN).

• Na e resepshon di RCN bo ta bisa ku bo mester di un abogado. Despues bo ta splika e trahadó di ‘intake’ en breve kiko ta e problema pa kua bo ke embolbí e abogado. Ta notá esaki riba un formulario i ta traha un kopia di bo sédula òf pasport.
• Tambe bo mester presentá un deklarashon di e Ofisina di Impuesto, for di kua bo entrada anual ta bisto. Ta wak e entrada bruto di dos aña pasá. Ta posibel ku bo entrada tabata muchu haltu dos aña pasá, pero bo situashon finansiero aktual ta pió ku e tempu ei. Den e kaso ei, bo por delibera tokante esaki ku un empleado di RCN. Tin bia ainda bo por risibí asistensia hurídiko grátis.
• Si e formulario ta yená i bo a entregá tur rekisitonan, ta tuma bo petishon  den tratamentu.  Bo ta haña un kopia di bo petishon.
• E Konseho di Asistensia Hurídiko ta kontrolá bo datonan personal i ta kontrolá si bo entrada anual dos aña pasá ta igual òf ménos ku e salario mínimo aplikabel aktualmente. E Konseho di Asistensia Hurídiko tambe ta kontrolá si mester di un abogado pa bo kaso.
• Si esaki ta e kaso, bo ta haña un karchi (disposishon). Riba e karchi tin pará ku bo tin derechi riba un abogado di gobièrnu. E karchi bo ta duna bo abogado ku e ora ei sa, ku e ta wòrdu pagá dor di gobièrnu. 
• Si e Konseho di Asistensia Hurídiko disidí ku bo no tin derechi riba abogado di gobièrnu, bo ta haña un desishon por eskrito (disposishon). Ei den tin pará dikon bo no tin derechi riba abogado di gobièrnu. Si bo no ta di akuerdo ku esaki, bo por apelá. E apelashon por wòrdu entregá serka RCN. Tene kuenta ku pa hasi apelashon bo no tin derechi riba abogado di gobièrnu.

Derecho penal
Si bo tin un problema di derecho penal i bo a wòrdu detené dor di polis òf a wòrdu enkarselá, bo no mester di pidi un karchi. Bo ta haña bishita di un abogado outomátikamente òf bo ta haña oportunidat pa yama bo abogado.

Kontakto

Yama pa un sita òf pasa na: