Traha na JICN, ta algu pa bo?

JICN ta buska kolega nobo. E vakaturanan pa e funshonnan di wardadó di prezu, trahadó di instituto penitensiario i trahadó di kuido/trato di institushon ta disponibel for di djárason 17 di febrüari 2021. Desde e fecha aki por haña e vaakturanan aki riba.

Kiko eksaktamente ta trabou di un trahadó di siguridat den prizòn? Kua preparashon preliminar bo mester tin i kua ta e posibilidatnan pa mas kresementu? Na Boneiru tin un prizòn moderno. Úniko pa e área karibense. Einan ta trahando duru riba un maneho di re-integrashon i banda di detenshon komun tin 8 kupo klíniko. Mas den kabamentu di 2019 lo start un proyekto piloto pa brinda detenshon hubenil.

Esei ta zona bon, pero pa un persona djafó, prizòn ta un mundu basta deskonosí. E ta un sosiedat den nos sosiedat komun. Un mundu ku strukturanan fiho i propio reglanan. Nos ta trata na duná bo un bista mas mihó posibel di e mundu tras di e portanan será, pasobra kisas trahamentu den un prizòn ta hustamente algu pa bo!

Suyen Koffy, jefe di departamentu

Dikon abo a skohe pa e sistema penitensiario?

“E ta trabou variá unda bo tin di aber ku hende. Hende ku pa un òf otro motibu a hasi eskohonan robes den nan bida. Bo tei pa enkargá bo mes ku nan kuido i ofresé nan un di dos oportunidat den bida, di manera ku nan ta hasi eskohonan korekto. Mi ta haña great ku mi tin un aporte den esaki. Di e forma akí mi ta aportá mi granito na komunidat.”