Biaha ku menornan di edat
Pa ta sigur ku menornan di edat no ta biaha si pèrmit di e mayor òf tutor legal, Marechaussee por kontrolá esaki. P’esei un menor di edat ku ta bai biaha su so òf bou di guia di un persona ku no ta su mayornan, mester tin e siguiente dokumentonan:
- Un pasport bálido;
- Dokumentonan ku ta proba ken e mayornan òf tutor legal ta, manera buki di kasamentu, akta di nasementu òf veredikto di hues;
- Formulario di Enseñansa obligatorio, si e menor di edat ta biaha durante periodo ku tin skol;
- Pèrmit por eskrito pa medio di un formulario di pèrmit firmá i un kopia di pasport di mayornan òf tutor. E formulario bo ta haña parti abou di e página aki;
- Si e menor di edat ta biaha huntu ku un guia, e nòmber di e guia mester ta menshoná riba e formulario di pèrmit.
Paga tinu:
Si ta solamente un di e mayornan so ta biaha huntu ku e mucha, esaki mester tin semper dokumento huntu kuné pa demostrá ku e tin kustodia riba e mucha.
Si e mayornan tin kustodia kompartí riba e mucha, e mayor ku ta biaha kuné mester tin un karta di pèrmit, firmá pa e otro mayor, pa por biaha ku e menor di edat.
Den kaso ku e menor di edat no ta bibando serka e mayornan, e tutor mester por presentá dokumento for di kua ta resultá ku e tin kustodia riba e mucha konserní.