Biaha ku un otro pasaporte pa Hulanda Karibense?

Sòru pa:

• Un pasport bálido pa e periodo ku bo ta biaha. Esaki ta nifiká ku bo pasport mester ta bálido ainda na e momento ku bo bandoná e isla. 
• Un pasashi ida i buèlta pa e pais di unda bo ta bini, òf un pasashi di tránsito ku bo ta sigui pa un otro pais.
• Un adrès di estadia. Por ehèmpel e adrès di e hotèl òf apartamentu na unda bo ta keda.  
• Sufisiente medio di eksistensia, $1000.00 pa siman. 
• E montante aki ta konta si ya bo ta disponé di un boleto di biahe pa bandoná Hulanda Karibense.
• Si bo no ta disponé di sufisiente rekurso finansiero, un siudadano di un di e entidatnan públiko por para garantia pa e durashon di bo estadia. E persona aki mester por mustra ku e ta disponé di sufisiente rekurso pa proveé alohamentu.
• Pa persona ku un pasaporte di algun pais ta konta un rekisito di visa pa Boneiru, Sint Eustatius i Saba. Por mira e lista di pais pa kua no mester di un visa via e lenk aki.
• Si bo tin e nashonalidat di un pais ku no ta rekerí visa, bo por keda pa 90 dia tras di otro den un periodo di 180 dia na Boneiru, Sint Eustatius i Saba. Esaki ta konta pa estadia riba tur tres isla agregá durante e periodo aki.

Ehèmpel 1: Bo tin un pasaporte di un pais pa kua no ta rekerí visa. Den e último 180 dia na tur bo a keda 45 dia komo turista na Boneiru, Saba òf Sint Eustatius. Bo por keda 45 dia mas na e islanan; 90 – 45 = 45.

Ehèmpel 2: Den e último 180 dia bo a keda 95 dia na Boneiru, Saba i Sint Eustatius. Bo a surpasá e término di estadia permití ku 5 dia; 90 – 95 = -5.

Pa mas informashon tokante di estadia largu i pèrmit di estadia i trabou, por bishitá e página di IND Caribisch Nederland.