Biaha pa Hulanda Karibense ku un pasport hulandes?

Si bo tin nashonalidat hulandes, pero no ta inskribí na Boneiru, Saba òf Sint Eustatius, bo mester kumpli ku algun kondishon ora bo ta biaha pa Hulanda Karibense.

  • Sòru pa tin:

  • Un pasport bálido pa durante henter e biahe. Esaki ta nifiká ku e pasport mester ta bálido ainda na momentu ku bo ta bandoná e isla tambe.
  • Un pasashi di regreso pa e pais for di unda bo ta bin, òf un pasashi di tránsito pa un otro pais.
  • Un adrès di hospedahe, por ehèmpel e adrès di e hotèl òf apartamento unda bo ta hospedá.

Komo doño di un pasport hulandes bo tin mag di permanesé maksimal 6 luna durante un periodo di 1 aña na Boneiru, Sint Eustatius i Saba. Esaki ta konta pa estadia riba tur e tres islanan huntu durante e periodo ei. Si den e periodo akí bo ta bai traha òf kore stazje esaki tin mag di hasi esaki maksimal tres luna konsekutivo. Si bo ta bai traha òf kore stazje pa un periodo mas largu, bo mester pidi un deklarashon di atmishon pa lei na IND. Mas tokante esaki bo ta haña riba e página di IND Hulanda Karibense.

Pa algun hulandes tin un eksepshon riba e regla tokante e término máksimo di estadia permití. Wak pa mas informashon tokante e reglanan di eksepshon riba e página di eksepshonnan legal.