Tareanan di KMar

Koninklijke Marechaussee den Hulanda Karibense (Boneiru, Saba i Sint Eustatius) ta ehersé e siguiente tareanan:

  • E vigilansia di e siguridat di e miembronan di e Kas Real, en koperashon ku otro órganonan asigná pa esei.
  • E ehekushon di e tarea polisial na benefisio di e forsanan armá di Hulanda i di otro forsanan armá i na benefisio di personanan ku ta pertenesé na e otro forsanan armá ei. 
  • E ehekushon di e tarea polisial riba e aeropuertonan indiká na Boneiru, Sint Eustatius i Saba, i tambe e siguridat di e aviashon sivil.
  • Dunamentu di asistensia i tambe koperashon ku polis manera e asistensia ora ta trata e kombatimentu di kriminalidat ku ta krusa frontera.
  • E ehekushon di e tareanan ku a wòrdu enkargá serka òf en virtut di e Lei  Atmishon i Deportashon BES i e ehekushon di e tarea polisial na i serka di e pòstnan unda hende ta pasa, i tambe e dunamentu di koperashon ora ta trata di detenshon di òf di trese un sospechoso òf esun ku ta kondená dilanti di hues.
  • E kombatimentu di trafikashon di hende i di froude ku dokumentonan di biahe i identidat.
  • Hasi e trabounan di siguridat na benefisio di De Nederlandsche Bank N.V.
  • KMar ta responsabel pa sosten di e kuido polisial den forma  di mantenshon di lei i mantenshon di e órden públiko, na Saba i Sint Eustatius.