Traha na Koninklijke Marechaussee. E ta un reto pa bo?

Kiko ta enserá traha na Koninklijke Marechaussee (KMar) eksaktamente? Ki tipo di preparashon preliminar bo tin mester i kon un siman di trabou promedio ta? KMar ta un organisashon úniko i ta enkargá ku diferente tarea na Hulanda Karibense. Huntu ku partnernan di kadena e ta traha duru pa vigilá fronteranan di Boneiru, Saba i Sint Eustatius i kombatí kriminalidat ku ta krusa frontera.

Esei ta zona interesante, pero loke e ta nifiká eksaktamente pa hopi hende ta un interogante grandi ainda. Riba e página akí nos ta duna bo un bista di loke e trabou di un kolaboradó di Tareanan di Polis di Frontera (GPT) na Marechaussee na Boneiru ta enserá eksaktamente. Sigui lesa i deskubrí si e ta un trabou ku ta kuadra ku bo tambe!

“Mi ta orguyoso ku mi ta aportá na e siguridat kaminda nos na Boneiru por disfrutá di dje.”- Joel Nieuwkerk, Kolaboradó Senior di GPT, Koninklijke Marechaussee na Boneiru