Riba e islanan hopi biaha bo tin gana di disfrutá di tur sorto di kos dushi riba grel ku amigu- i famianan. Desafortunadamente tin biaha tin kos ta bai robes tambe. Ta surgi kandela òf tin hende ta risibí kemadura. Tin diferente tipo di grel: di koriente, di gas òf di karbon (komprimí). No ta importá kua bo ta usa: un grel por okashoná kandela. P’esei hasié seif. Danki Dios bo mes por hasi hopi pa prevení kandela. Aki ta sigui algun tep pa grel di manera seif i loke bo por hasi si tòg algu bai robes.
- Abo ta anda seif ku grel?
- Intenshon di un grel ta pa us’é pafó. Tambe si bo fiesta ta menasá di kai na awa debí na un yobida, lag’é keda pafó.
- Pone un grel paden ta un peliger pa bida. E huma di e grel ta kontené konsentrashon haltu di e sustansia tóksiko monóksido di karbon i e por hasi bo malu. Den un kaso grave por te asta muri di dje. Laga e grel pues semper pafó.
- Tin diferente tipo di grel: eléktriko, di gas i di karbon (komprimí). No ta importá kua bo usa, un grel por okashoná kandela. Danki Dios bo mes por hasi hopi pa prevení kandela.
Tep 1: Pone e grel na un distansia seif di kurá di palu, tranké, tènt (di fiesta), muebel di den kurá ètsetera.
Tep 2: No kambia lugá di e grel si esaki ta sendé.
Tep 3: Tene mucha i bestia di kas leu for di e grel.
Tep 4: Semper ta bon pa por tin un medio pa paga kandela den besindario, por ehèmpel un hèmber ku santu òf awa.
Tep 5: Pa protehá bo mes kontra spatmentu i chispa di kandela ta bon pa no grel lomba sunú. Bisti paña ku no ta pega kandela fásil.
Tep 6: Bo ta grel na bich? Hasi esaki semper ku grel i no den e santu.
Tep 7: No tira restu di shinishi mesora afó. E shinishi por ta kayente ainda i okashoná kandela tòg, por ehèmpel den un kònteiner di sushi.
- Atendé di manera seif ku grel. Wak pa mas tep tokante grelmentu riba www.rijksdienstcn.com
Teps
- Pone e grel na un distansia seif di kurá di palu, tranké, tènt (di fiesta), muebel di den kurá ètsetera.
- No kambia e lugá di e grel ora esaki ta sendé.
- Tene mucha i bestia di kas leu for di e grel.
- Semper ta bon pa por tin un medio di paga kandela den besindario, por ehèmpel un hèmber ku santu i òf awa.
- Bisti paña ku no pa pega kandela fásil. Asina bo ta protehá bo mes kontra spatmentu i chispa di kandela.
- Bo ta bai grel riba bich? Hasi esaki semper ku un grel i no riba santu.
- No tira restu di shinishi mesora afó. E shinishi por ta kayente ainda i okashoná kandela den por ehèmpel un kònteiner di sushi.
Lista di chekeo
- Kontrolá e fecha riba e silinder di gas.
- Kontrolá si e slan di gas ta borá.
- Pone e bòter di gas para stret.
- Sende e grel na momentu ku bo habri e gas.
- Paga tinu ku áwaseru. Awa i koriente huntu ta okashoná korto sirkuito.
- Kontrolá regularmente si e elemento térmiko tin frus òf ta gastá.
- Pone esaki riba un superfisie plat.
- Paga tinu ku paña hopi inflamabel.
- Tene un hèmber di awa òf santu na man.
- Pèrkurá pa mucha i bestia di kas ta na un distansia.
- Despues di uso, tap’é ku santu òf pag’é ku awa.
Si tòg algu bai robes?
- Freska e kemaduranan. Laga awa di kranchi lou kore por lo ménos 10 minüt riba e parti ku a risibí kemadura.
- Freska solamente e kemaduranan. Protehá e víktima ademas pa su temperatura di kurpa no baha.
- No ranka paña pegá na e parti kimá kita. Tene e parti akí muhá. Preferiblemente no usa awa di laman.
- No mishi ku e herida i nunka no kibra blar.
- No hunta nada riba kemadura di segundo òf terser grado, ni pomada pa kemadura.
- Tapa e kemaduranan steril òf mas limpi posibel ku ferbant òf paña limpi. Esaki ta pa limitá ku e kemaduranan ta sigui plama i infekshon.
- Preferiblemente usa ferbant ku no ta pega (manera ferbant di metaline).
- No duna víktima ku kemadura serio nada di bebe.
- Den kaso di kemadura di segundo òf terser grado yama semper ambulans. Si bo ta duda ku ta trata di kemadura di segundo òf terser grado? Konsultá ku bo dòkter di kas.
- Trata semper pa paga e kandela ku algu di paga kandela. Por ehèmpel un hèmber di santu òf awa.
- Bo no ta logra paga e kandela? Keda na un distansia seif i yama brantwer.
Bo ke gana un ket di promé asistensia? Esei por! Partisipá den e quiz. Kisas abo ta gana un ket pa trata kemadura.