Medio pa paga kandela den kas
Un kandela ku ta kuminsá den bo kas hopi bia bo mes por paga. Esaki por solamente ora bo ta bon prepará i tin e medionan korekto pa paga kandela den kas. Ademas ta importante pa sa kua medio sí bo por usa den sierto situashon, i kua netamente nò. Riba e página aki bo ta haña mas informashon tokante diferente medio pa paga kandela den kas i den kua situashon bo por usa nan.
Kandela den kas? Siguridat promé!
Ora bo mes ta paga kandela chikí den kas, ta importante pa semper tene kuenta ku bo mes siguridat i ku siguridat di otro habitante. P’esei paga un kandela bo mes solamente ora bo ta sigur ku bo por skapa sigur. Bo ta duda tokante esaki? No tuma niun riesgo e ora ei. Hui bai pafó i yama brantwer.
Nederlands
“Wat doe jij bij brand in huis?”
“Een beginnende brand kun je vaak zelf blussen.”
“Maar sommige branden kun je niet blussen met water.”
“Bij brandend vet,…”
“of brand in elektrische apparaten is het gebruik van water juist gevaarlijk.”
“Zorg daarom dat je een brandblusser of blusdeken in huis hebt.”
“Zo ben jij het beste voorbereid.”
“Kijk voor meer informatie op www.rijksdienstcn.com”
Papiamentu
Kiko abo ta hasi na momentu ku tin kandela den kas?
Hopi biaha bo mes por paga un kandela ku a kaba kuminsá.
Pero tin algun tipo di kandela ku bo no por paga ku awa.
Serka fèt ku ta na kandela...
Of serka kandela den aparatonan eléktriko uzo di awa netamente ta peligroso.
P’esei sòru pa bo tin un aparato di paga kandela of un deken di paga kandela den kas.
Asina bo ta prepará di e mihó manera.
Pa mas informashon wak riba www.rijksdienstcn.com
Aparato di paga kandela portátil
Tin diferente tipo di aparato di paga kandela na benta, di kua e kontenido ta varia. Tin aparato di paga kandela ku ta traha ku skuma, ku puiru di paga kandela, òf ku dióksido di karbon. Ta dependiendo di e tipo di kandela, tin diferente tipo di aparato di paga ku por rekomendá.
Deken pa paga kandela
Un deken pa paga kandela ta un deken trahá di faiberglas, lana impregná òf un otro material ku no ta pega kandela. Por kumpra esakinan na hardware (bouwmarkt).
Awa
Un slan pa muha mata por fungi bon komo aparato chikitu pa paga kandela. Pa kas di famia tambe por haña ròl spesial chikitu, ku fásilmente bo por konektá ku e pipa di awa. Aki ta importante pa e ròl òf e slan di muha mata ta largu sufisiente pa por yega na tur skina di e kas. Awa ta e mihó supstansia pa paga kandela di supstansia sólido manera palu, papel, tela i karton. Nunka usa awa pa paga zeta òf fèt ku ta na kandela ni kandela di aparato eléktriko ku ta den koriente!
