Áwaseru fuerte por okashoná hopi molèster di awa. Hopi bes awa ta bira kai diripente den un periodo kòrtiku. Pa evitá daño i situashon peligroso, ta konsehabel pa ta bon prepará ora bo haña bo konfrontá ku molèster di awa. Dor di tuma algun medida simpel, bo por prevení gran parti di molèster di awa i prevení inundashon den bo kas.
Inundashon? Seguridat promé!
Den e kaso di áwaseru fuerte, un kamber por yena ku awa rápidamente. Si bo ta haña bo ta lidia ku un inundashon den bo kas, sigurá bo mes promé ku tur hende ta sano i salvo. Tambe konsiderá bo bestianan di kas.
Prevenshon di inundashonnan
Durante áwaseru fuerte, bo por tuma un kantidat di medida pa evitá ku awa ta yega na bo kas:
- Sigurá ku e drèinage di awa ta adekuá, dor di limpia e vianan di desagwe i e riolnan. Koba un desagwe òf via di awa den e kurá, asina ku gran parti di e awa por sali pafó di e kas. Tambe bo por lanta e suela rònt di bo kas.
- Koloká sakunan di santu dilanti e portanan di bo kas, pa asina prevení ku awa ta pasa bou di e porta bai paden.
Verifiká ku regularidat, spesialmente promé ku temporada di orkan, ku e bentanan i portanan ta sera korektamente. Si esakinan no ta sera korektamente, bo por solushoná esaki dor di pone un strèp di rùber. Tambe chek e dak di bo kas pa lèkmentu.
Den kaso di inundashon
Pèrkurá pa abo i otro nan ta seif na un lugá mas altu i sigur den bo kas. Tambe konsiderá bo bestianan di kas. Tambe tuma nota di lo siguiente:
- Sera e gas, awa i koriente. Si esaki no ta posibel, sigurá bo mes ku aparatonan eléktriko no ta bin den kontakto ku awa.
- Kubri e burakunan di desagwe i riolering ku un saku di santu, sèrbètè òf un otro pròp. Esaki ta evitá ku e sistema di kloaka ta inundá bo kas.
Mas konseho pa temporada di orkan [accordeonvenster]
- Pone tur opheto di balor den áreanan seif, dor di move esakinan na un lugá kaminda awa no por yega. Pensa riba dokumento di identidat, pòtmòni, remedi, telefòn inteligente, portrèt di balor òf prenda.
- Den kaso di emergensia, kuerpo di bombero no por ta presente tur kaminda inmediatamente. Por lo tantu, ta masha importante pa bo mes tuma e medidanan nesesario.
- Promé ku temporada di orkan, drecha bo kurá i áreanan rònt bo kas. Elementonan ku ta lòs, por bula i kousa daño durante un orkan.
- Sigurá bo mes ku bo tin sufisiente kuminda, kos di bebe, i remedi na kas, den kaso ku bo no por bai hasi kompra.
