Bira Hulandes

Naturalisashon
E proseso di naturalisashon ta destiná pa estranheronan ku, en prinsipio, tin residensia legalmente na Hulanda Karibense pa sinku aña òf mas. Esaki ta un prosedura profundo den kua ta tèst vários kondishon, manera durashon di estadia, integrashon i konosementu di idioma.

Opshon
E prosedura di opshon ta un alternativa mas simpel y mas barata pa bira siudadano hulandes. E prosedura aki ta solamente disponibel pa gruponan spesífiko, manera hóbennan ku a nase na Hulanda Karibense i  ku a biba einan pa un periodo largu.

Prosedura nobo efisiente
Entrante 1 di yanüari 2025  e prosedura pa aplikashon pa siudadania hulandes lo ta mas efisiente. E prosedura ta bai di seis paso pa tres momentu di kontakto:

1. Un sita inisial pa informashon detayá;

2. Un sita pa entregá tur dokumento nesesario, firma e petishon i paga e leges;

3. Rekohé e Dekreto Real despues di aprobashon.

Ménos papeleo i prosesamentu mas lihé di e prosedura ta hasi e proseso mas kla i mas efisiente pa kliente. Tene na kuenta: e kondishonnan pa haña nashonalidat hulandes/bira siudadano hulandes ta keda meskos.

Mas informashon
Lesa tur kos tokante e prosedura- i kondishonnan den e foyeto ‘Kon bo por bira un siudadano hulandes? Pa pregunta òf informashon adishonal por tuma kontakto ku IND@rijksdienstcn.com.

Bo tin tur e dokumentonan nesesario i lo bo ke traha un sita mesora? Manda un meil na Nederlanderschap@rijksdienstcn.com pa por traha un sita mesora.