Petishon online ainda solamente na hulandes, otro idiomanan lo sigui
Na e momentunan akí entrega di petishon ainda ta solamente posibel na hulandes. IND ta sigui desaroyá e sistema, di manera ku despues por hasié den otro idioma tambe.
Preguntanan frekuente tokante entrega di petishon ‘online’
Bo tin nashonalidat hulandes? E ora ei bo por entregá e siguiente petishonnan online:
Deklarashon di Atmishon Legal
Deklarashon No Aplikabel
Pèrmit di estadia pa tempu definí (sin Outorisashon pa Estadia temporal (MVV) ku e meta pa studia
Entrega di petishon online na e momentunan akí ainda ta solamente posibel na hulandes. IND ta sigui desaroyá e sistema, di manera ku despues ta posibel tambe pa hasié den otro idioma.
Na e momentu aki e portal ònlain solamente ta disponibel na hulandes. Trabounan ta tuma lugá riba un vershon na ingles.
E sistema ta bon sigurá. Nos ta usa bo datonan solamente pa bo petishon.
Den e sistema bo por entregá petishon online. Bo a entregá un petishon? E ora ei bo ta mira petishonnan entregá, status di bo petishon i konfirmashon di bo petishon.
Bo ta risibí un konfirmashon di e petishon den bo e-mail. Bo no a risibí un konfirmashon? E ora ei, tuma kontakto via: indonline@rijksdienstcn.com.
Nos no ta duna informashon tokante ken a atendé bo petishon. Bo ta deseá di papia ku un kolaboradó? E ora ei bo por tuma kontakto ku IND na number di telefòn 599 715 8330 òf manda un e-mail pa IND@rijksdienstCN.com.
Esei ta posibel si ta trata di un persona menor di edat. E ora ei por ehèmpel e mayor òf e tutor legal por entregá un petishon hasiendo uso di e ‘account’ di e adulto.
Bo por traha un sita ku IND na number di telefòn 599 715 8330 òf manda un e-mail pa IND@rijksdienstCN.com.
Bo por paga di siguiente manera:
- Creditcard
- Pa medio di trámitenan bankario via internèt
- Transferensia via di un otro banko
- Ku plaka efektivo na MCB
Pa entregá petishon tin ku paga pa gastunan. Ta yama nan tambe ‘leges’. Tene na kuenta ku ta kobra gastunan adishonal si bo ta paga via un banko estranhero.
Bo por manda un meil na INDonline@rijksdienstcn.com.
