Dor di mustra medionan di eksistensia bo ta duna un bista den e entrada ku bo tin disponibel minimalmente, pa prueba ku bo ta apto pa kumpli ku kostonan di bida pa bo i bo famia na Hulanda Karibense. Mira aki kon e IND-CN ta komprobá bo entrada i kiko bo mester hasi.
Paga tinu: E montantenan normativo aktual ta na vigor entrante promé di yanüari 2025. Tur e montantenan ku tabata na vigor promé ku e fecha aki tabata inkluí solamente ku e meta pa informá.
IND-CN ta traha ku montantenan standart ku ta stipulá pa lei i ku ta sirbi komo un indikashon. Es desir ku e entrada no mag ta mas abou ku e norma stipulá. Altura di e montante standart ku kua e medionan di eksistensia mester kuadra ta dependé di e meta di bo estadia i konstelashon di bo famia.
Meta di estadia
Bo meta di estadia ta indiká e motibu(mas importante) pakiko bo ke establesé bo mes na Hulanda Karibense. Pa e siguiente metanan di estadia, montantenan standart ta konta komo norma pa e eksigensia di medionan:
E montante standart ku un persona den servisio salarial mester gana no mag ta mas abou ku e suèldu mínimo bruto.
Paga tinu: e suèldu mínimo bruto ta diferensiá pa isla i ta ser stipulá anualmente dor di Asuntunan Sosial i Empleo, mira aki
Bo mester demonstrá ku pa medio di bo profeshon òf kompania, bo ta disponé di sufisiente medionan di eksistensia, es desir, ku bo mester tin un entrada ku ta aloménos igual na e entrada bruto pa luna a base di e Lei suèldu mínimo BES.
Paga tinu: e suèldu mínimo ta diferensiá pa isla i ta ser stipulá anualmente pa Asuntunan Sosial i Empleo, mira aki
Ora bo entregá un promé petishon di estadia Labor komo trahadó independiente (Arbeid als Zelfstandige), bo mester demostrá:
- un estado di kuenta di banko (riba nòmber di e empresa òf di bo mes) ku un montante ku ta por lo ménos igual na e entrada bruto pa aña a base di e Wet minimumloon BES (Lei Suèldu Mínimo BES).
E kantidat di miembronan di famia ku ta bin huntu ku bo, ta influensiá e altura di e montante standart di e siguiente forma:
- Den e kaso ku bo ta para garantia pa 1 persona, ta konta 120% di e entrada bruto pa luna a base di e Wet minimumloon BES (Lei Suèldu Mínimo BES).
- Si bo ta para garantia pa vários persona, por ehèmpel pa un partner i un òf mas yu, e ora ei e entrada mester ta kompletamente igual na 140% di e entrada bruto pa luna (òf pa aña) a base di e Wet minimumloon BES (Lei Suèldu Mínimo BES).
Bo entrada mester ta minimalmente igual na 120% di e entrada mensual bruto sigun e Wet minimumloon BES (Lei Suèldu Mínimo BES).
Komo persona ku ta permanesé temporada di invierno bo ta deseá di permanesé durante un periodo di maksimal seis luna pa aña den e entidatnan públiko.
-
Bo entrada mester ta minimalmente igual na 120% di e entrada mensual bruto sigun e Wet minimumloon BES (Lei Suèldu Mínimo BES).
- E norma pa un pareha ta 2x e montante standart
Bo entrada mester ta minimalmente igual na 120% di e entrada mensual bruto sigun e Wet minimumloon BES (Lei Suèldu Mínimo BES).
Bo kontribushon mensual mester ta minimalmente 50% di e entrada mensual bruto a base di e Lei Suèldu Mínimo BES, kompletá ku e sèn di kolegio.
Bo ta risibí e montante den un biaha? E ora ei esaki mester ta igual na 12 x 50% di e entrada mensual bruto a base di e Lei Suèldu Mínimo BES plùs e sèn di kolegio.
No tin un montante standart stipulá komo eksigensia di medionan, pero por lo general ta konta ku bo mester proba ku bo tin un lugá pa hospedá i ku bo por kubri bo nesesidatnan. Tambe bo mester por demonstrá pa kua organisashon bo ta bai traha i kiko nan ta duná bo komo kompensashon. Tambe e organisashon akí ta para garantia pa bo.
Pa personanan ku no tin nashonalidat hulandes òf merikano e organisashon lo tin ku pidi un pèrmit di trabou.
Bo mester tin entradanan di minimal 50% di e suèldu mínimo bruto. E suèldu mínimo bruto ta diferensiá pa isla i ta stipulá anualmente dor di Asuntunan Sosial i Empleo, mira aki.
Bo entradanan mensual por konsistí tambe di un kompensashon di stazje, finansiamentu di estudio òf un kombinashon di kompensashon di stazje i finansiamentu di estudio. Si bo organisashon di stazje ta paga alohamentu i kuminda pa bo, por konta esakinan tambe aserka.
Kambionan den reglanan di estadia entrante 1 di yüli 2024
E montantenan tabata bálido for di promé di yüli 2024 te ku 31 di desèmber 2024. Entrante promé di yanüari 2025, a bolbe adaptá e normanan.
Eksigensia di entrada nobo
Entrante 1 di yüli 2024 lo tin eksigensia di entrada nobo pa diferente meta di estadia:
Trabou: Mínimo $1.750,67 pa luna.
Reunion di famia, yunan adoptivo- i di kriansa, i penshonadonan: e entrada rekerí ta oumentá pa 120% di e salario mínimo, òf $2.100,80 pa luna den 2024. Pa aplikashonnan pa mucha ku no ta nasé na Hulanda Karibense, ta apliká un eksigensia di 140% di e salario mínimo òf $2.450,94 pa luna den 2024. Ehèmpel: Si un hende ta para garantia pa e promé persona, e mester tin un entrada di 120% di e salario mínimo. Si un hende ta para garantia pa dos òf mas persona (manera muchanan), e mester kumpli ku un entrada di 140% di e salario mínimo.
Pa studiante: e entrada mester ta mínimo igual ku 50% di e salario mínimo, ku den 2024 ta $875,34 pa luna.
Dikon e kambionan aki ta nesesario?
E kambionan aki ta nesesario pa motibu di e oumento di salario mínimo i pa sòru pa e eksigensia di entrada ta den liña ku e nivel di bida aktualmente i kosto di mantenshon di bida. For di 10 di òktober 2010, no ta indeksá e norma di montante, debí na esaki un ahuste ta nesesario awor.
Reglanan di transishon
Petishonnan ku entregá promé ku 1 di yüli 2024 lo kai bou di e normanan bieu. Si bo ta entregá tres petishon konsekutivo pa ekstenshon despues di 1 di yüli 2024, lo apliká e norma bieu. Pa tur otro petishonnan di ekstenshon ku bo entregá despues di 1 di yüli 2024, lo apliká e normanan nobo. Por lo tanto, ta importante pa bo evaluá na tempu kiko e kambionan aki ta nifiká pa bo situashon i prepará bo mes pa e eksigensianan nobo.
Importante pa sa
Pa hasi e tempu di prosesá mas kòrtiku, IND ta aseptá solamente aplikashon kompletu. Aplikashon inkompletu ta kousa retraso i por resultá den un periodo di espera di 5 pa 6 luna. Tambe deklará bo entrada na Ofisina di Impuesto Hulanda Karibense via e deklarashon di entrada. No lubidá tampoko pa entregá e deklarashon kolektivo di salarionan (verzamelloonstaat) na tempu. IND ta usa e datonan aki pa e evaluashon.