Petishon pa Pèrmit di Estadia pa tempu definí

Pa ken e formulario aki ta?

Personanan ku un nashonalidat di e Estado Miembro di EU, Estadonan Miembro di e EER (Espasio Ekonómiko Europeo), Oustralia, Canada, Hapon, Monaco, Nueva Zelandia, Siudat Vatikano, Estádos Unídos, Korea Sur òf Suisa, ku ke traha òf ke keda mas ku tres luna na Boneiru, Sint Eustatius òf Saba.

Di kon e formulario aki?

Ku e formulario aki bo por entregá un petishon pa un Pèrmit di Estadia pa tempu definí, miéntras ku bo mester disponé di un MVV bálido.

Kua anekso mi mester agregá?

Banda di e formulario di petishon bo mester entregá otro dokumento tambe i paga léges. Kua eseinan ta, ta dependé di bo situashon. E dokumentonan rekerí ta pará den e lista di dokumento riba e formulario di petishon. Sòru pa agregá tur kos. Solamente petishonnan kompleto ta wòrdu tuma den tratamentu.

Unda mi ta entregá mi petishon?

Bo por entregá bo petishon en persona na un di e lokètnan di e Unidat di IND Hulanda Karibense. Na Saba i Sint Eustatius bo mester hasi 8 or i 11or di mainta. Wak, pa e datonan di kontakto i oranan di apertura di tur ofisina di IND, riba e página di kontakto.

Kiko ta pasa ku mi petishon?

Si bo a entregá bo petishon en persona na un di e lokètnan di e IND-Unidat Hulanda Karibense i bo petishon ta kompleto, bo petishon ta wòrdu tumá den tratamentu. Si bo petishon no ta kompleto, esaki no por wòrdu evaluá. Bo ta risibí mensahe por eskrito ora a disidí riba bo petishon. Tene kuenta ku un periodo di tratamentu di máksimo seis luna. IND ta aspirá pa finalisá un petishon dentro di tres luna.  Si resultá ku bo no ta kumpli ku e kondishonnan di e Pèrmit di Estadia pa kua bo a pidi un kambio, e ora ei e Unidat di IND Hulanda Karibense lo chèk si bo ta bini na remarke pa prolongashon di bo Pèrmit di Estadia aktual. 

Kiko si mi petishon a wòrdu aprobá?

Si bo Pèrmit di Estadia a wòrdu aprobá, bo mester inskribí bo mes na e departamentu du Asuntunan Sivil den e atministrashon básiko. Esaki ta obligatorio. Si bo a inskribí bo mes, e ora ei lo traha un karnèt di identifikashon (Sédula) pa bo.

Klik aki pa mas informashon tokante e departamentu du Asuntunan Sivil Boneiru, Saba i Sint Eustatius.  Paga tinu: bo ta sali for di e wèpsait di Rijksdienst Caribish Nederland.

Paga tinu!

Si bo petishon a wòrdu aprobá , bo ta risibí un Pèrmit di Estadia pa tempu definí. Si bo ke keda mas largu, bo mester prolongá bo Pèrmit di Estadia na tempu.