Petishon pa Pèrmit di Estadia pa tempu indefiní
Pa ken e formulario aki ta?
Personanan ku:
- ta biba legalmente sinku aña òf mas den e Entidatnan Públiko a base di un Pèrmit di Estadia pa tempu definí; òf
- Ta bini na remarke pa un Pèrmit di Estadia a base di re-atmishon. (Intenshon ta pa hulandesnan i estranheronan ku den pasado tabatin un Pèrmit di Estadia pa por lo ménos un kantidat di aña den e Entidatnan Públiko).
Di kon e formulario aki?
Ku e formulario aki bo por entregá un petishon pa un Pèrmit di Estadia pa tempu indefiní.
Kua anekso mi mester agregá?
Banda di e formulario di petishon, bo mester entregá otro dokumento tambe i paga léges. Kua eseinan ta, ta dependé di bo situashon. E dokumentashon rekerí ta pará den e lista di dokumento riba e formulario di petishon. Sòru pa agregá tur kos. Solamente petishonnan kompleto ta wòrdu tuma den tratamentu.
Unda mi ta entregá mi formulario?
Bo por entregá bo petishon en persona na un di lokètnan di e IND-Unidat Hulanda Karibense. Pa esaki mester traha un sita (na tempu). Wak riba e página di kontakto, pa datonan di kontakto i oranan di apertura di tur ofisina di IND.
Kiko ta pasa ku mi petishon?
Si bo a entregá bo petishon en persona na un di e lokètnan di e Unidat di IND Hulanda Karibense i bo petishon ta kompleto, bo petishon ta wòrdu tumá den tratamentu. Si bo petishon no ta kompleto, esaki no por wòrdu evaluá. Bo ta risibí mensahe por eskrito ora a disidí riba bo petishon. Si resultá ku bo no ta kumpli ku e kondishonnan di e Pèrmit di Estadia pa kua bo a pidi un kambio, e ora ei e -Unidat di IND Hulanda Karibense lo chèk si bo ta bini na remarke pa prolongashon di bo Pèrmit di Estadia aktual.
Kiko si mi petishon a wòrdu aprobá
Si bo petishon a wòrdu aprobá, bo mester bai ku bo disposishon na e departamentu di Asuntunan Sivil pa renobá bo Sédula pa sinku aña. Klik aki pa mas informashon tokante di e departamentu di Asuntunan Sivil Boneiru, Saba i Sint Eustatius. Paga tinu: bo ta sali for di e wèpsait di e Rijksdienst Caribisch Nederland.
Download formulario ‘Petishon pa Pèrmit di Estadia pa tempu indefiní’