Entrante 1 di novèmber 2026, lo apliká eksigensianan adishonal pa petishonnan pa pèrmit di trabou i estadia. E dokumentonan ku bo mester ta dependé di e tipo di pèrmit ku bo ta apliká p’e.
Hasi trabou pagá òf trabou independiente
Bo ta apliká pa un pèrmit pa trabou pagá òf trabou independiente? E ora ei, e siguiente dokumentonan tambe ta nesesario entrante 1 di novèmber:
- un deklarashon ku no tin debe;
- un deklarashon di resúmen di salario kolektivo (ekstenshon).
Reunifikashon di famia
Bo ta apliká pa un pèrmit di estadia pa reunifikashon di famia? Si ta asina, bo mester entregá un relato di entrada tambe.
Pèrmit di estadia pa un periodo indefiní
Dokumentonan adishonal tambe por ta nesesario ora ta apliká pa un pèrmit di estadia pa un periodo indefiní. E dokumentonan ku bo mester entregá ta dependé di e propósito di bo previo estadia.
Entregá tur dokumento bo mes
Tene na kuenta: entrante 1 di novèmber, solisitantenan mester entregá tur dokumentonan nesesario pa nan aplikashon nan mes. Bo por pidi e deklarashonnan nesesario na Belastingdienst Caribisch Nederland. Por hasiesaki na e lokèt di servisio òf via balie@belastingdienstcn.nl.