Kombatimentu di desaster marítimo
E kombatimentu di desaster marítimo di e awa rònt di Saba, St. Eustatius i Boneiru ta un responsabilidat di Minister di Infrastruktura i Medio Ambiente huntu ku e gezághèber di e islanan. Esaki ta prinsipalmente pa kombatimentu di zeta i pa warda barkunan. Reskate di hende ta e trabou primario di wardakosta di Karibe.
Departamentu enkargá ku infrastruktura nashonal ta fungi komo organisashon di ehekushon pa e ministerio di infrastruktura i medio ambiente ta traha estrechamente huntu ku outoridatnan lokal den lanta i organisá e kombatimentu di desaster marítimo riba laman. Esaki ta enserá skibi plannan, ekipá e organisashon di kombatimentu, entregamentu di pestisida, entrená i trein di e personanan enbolbí na kombatimentu di desaster marítimo.
Plannan pa kombatimentu
E plan di kombatimentu di desaster marítimo di Hulanda Karibenese ta deskribi riba nivel di gobièrnu, kon a lanta e organisashon di insidente marítimo Hulanda Karibense, kua partidonan ta enbolbí, nan ròl, tareanan i responsabilidatnan ku nan tin i di ki manera e kolaborashon mutuo ta desaroyá. E plan di kombatimentu di desaster marítimo ta destiná pa tur partido enbolbí na e kombatimentu di insidente marítimo na Hulanda Karibense tantu lokal, regional komo Hulanda. Bou di e plan di kombatimentu di desaster marítimo tin parti operashonal di e kombatimentu di e organisashon, tareanan i trámitenan riba nivel operashonal ta deskribí.
Organisashon di kombatimentu di desaster marítimo
Den kaso di un insidente marítimo den awa rònt di e islanan; gezághèber tin e outorisashon pa kordiná i ehekutá e kombatimentu. Departamentu enkargá ku infrastruktura nashonal ta duna su sosten for di distansha dunando konseho. Ora tin insidente di gran eskala kolaboradó di departamentu enkargá ku infrastruktura nashonal lo wòrdu buta al instante komo konsehero òf kordinadó di kombatimentu i nan lo organisá pa manda èkstra pestisida. Departamentu enkargá ku infrastruktura nashonal ta alkansabel 24 ora pa dia na (+31 70 33 66 600).
Wardakosta di Karibe
Wardakosta di Karibe tin komo tarea di mas importante pa reskatá hende na momentu di kombatimentu di desaster riba laman. Banda di esei e tin e funshon pa kordiná i sostené riba base di su kapasidatnan (barkunan, avionnan), konosimentu di e teritorio marítimo i su ret den region. Pa e asuntu aki nan ta disponibel 24 ora pa dia (+599 9 463 76 20 òf lokal: 913).