Lei marítimo nobo

Entrante 1 di yüli 2014, Regeling Veiligheid Zeeschepen òf RVZ (Reglamento di Siguridat di Barku) a kambia. A modernisá i adaptá e eksigensianan pa barku registrá na Hulanda Karibense usá den komèrsio, pa nan kuadra ku e desaroyonan internashonal den Zona Komersial di Karibe (CTA, Caribbean Trading Area). 

E eksigensianan di RVZ ta solamente tokante siguridat di barku, por ehèmpel tokante struktura (kondishon pa subi laman) i ekipo di e barkunan. Ta antisipá ku den un siguiente etapa lo introdusí eksigensia pa tripulashon tambe. (várbeweis )

E kambionan i e splikashon ta aparesé den Staatscourant nr. 16426 di 17 di yüni 2014. E teksto kompleto di Regeling Veiligheid Zeeschepen, ku e kambionan tambe, ta disponibel riba e aki.

Kódigo karibense

Dos kódigo karibense internashonal ta bai drenta na vigor:

  • kódigo SCV (Code of Safety for Small Caribbean Vessels) pa barku di pasahero i di karga chikitu, di 5 pa 24 meter largu.
  • kódigo CCSS (Code of Safety for Caribbean Cargo Ships) pa barku di karga mas largu ku 24 meter, pero mas chikitu ku 500 GT.

Pa e kódigonan akí, barku mester tin un sertifikado emití pa ILT/Scheepvaart. E regla akí a drenta na vigor dia 1 di yüli. Sertifikado di barku emití a base di e RVZ bieu lo keda bálido te na nan fecha di vensementu.
Pa e leinan den Reino por ta mas uniforme posibel, Kòrsou, Aruba i St.-Maarten tambe ta trahando pa inkluí e kódigonan akí den nan leinan. Ta spera ku pa dia 1 di yanüari 2015 e ehersisio akí lo ta kla.

Anekso 6

Ta konsiderá e kódigonan akí muchu estrikto pa barku ku ta djis keda serka di kosta i bai bèk na e haf ku nan a sali for di dje. Pa barku asina tin regla ménos estrikto, inkluí den Anekso 6 di RVZ. Si nan kumpli ku e rekisitonan, e barkunan akí ta risibí un asina yamá Nationaal Veiligheidscertificaat (Sertifikado di Siguridat Nashonal). Pa kada isla, RVZ ta deskribí e área di nabegashon ku e reglanan akí ta konta p’e. E área en kuestion ta yega te algun mia for di kosta.


Pa kumpli ku anekso 6, tin un periodo di transishon ku ta dura te 1 di yanüari 2016. Den futuro, e kapitan di haf i su staf di e tres islanan lo ta enkargá ku e sertifikashon ku anekso 6 ta eksigí. Resientemente, ILT/Scheepvaart i e gobièrnunan insular a kuminsá konsultá ku otro, i pa 2016 esei lo mester ta kla.

Kódigo SCV renobá

(Kodigo pa boto di pasahero i di karga chikitu, di 5 pa 24 meter largu). E kódigo SCV ku lo drenta na vigor ku e kambio akí mes tambe a ser renobá bou di ouspisio di IMO. Na Hulanda, e kódigo SCV nobo lo drenta na vigor den hèrfst di 2014. Ainda tin ku determiná e fecha presis. E kódigo mes ta duna espasio pa medida di transishon. Por pidi e kódigo SCV nobo i e lei RVZ serka ILT/Scheepvaart. 

Mas informashon

Den kaso di mas pregunta, por aserká ILT/Scheepvaart
E-mail: nsicn@rijksdienstcn.com
Telefòn: +599 7158351