Naturalesa na Hulanda Karibense ta e rekurso pa desaroyo ekonómiko. Tantu den laman komo riba tera naturalesa ta meresé e kuido di mas grandi.

Deskuido/pèrdida di naturalesa ke men pèrdida di potensial ekonómiko. Sea ku ta trata di e ‘Parke Washington Slagbaai’ na Boneiru, e átòl bou di awa ‘Parke Nashonal Sababank’ na Saba òf e Parke Nashonal ‘The Quill/Ariba’ na Sint Eustatius. Huntu ku e Kolegionan Ehekutivo, organisashonnan di naturalesa i e ministerio di Infrastruktura i Maneho di Awa  (ministerie van Infrastructuur en Waterstaat), e ministerio di Agrikultura, Naturalesa i Kalidat di Kuminda (LNV, ministerie van Landbouw, Natuur & Voedselkwaliteit) ke ehekutá e kuido aki pa e islanan na un manera aktivo i detenidu. Komo guia pa esaki a konsipiá un Plan di Maneho di Naturalesa Hulanda Karibense.

Tambe pa protehá e bida den laman, huntu ku e otro paisnan di Reino den Área Karibense, Aruba, Kòrsou i Sint Maarten a konsipiá un plan integral di maneho di naturalesa pa e awanan den e Zona Ekonómiko Eksklusivo (EEZ, Exclusieve Economische Zone). Ademas e ministerio di LNV ke stimulá agrikultura i peskeria duradero na Hulanda Karibense.

Den tur esaki LNV tin un bon koperashon ku e Kolegionan Ehekutivo, e Kámaranan di Komersio, e ofisinanan di turismo, kompanianan den e sektornan di utilidat públiko, organisashonnan di naturalesa, asosiashonnan di interes i organisashonnan sosial di siudadano, i (asosiashonnan di) empresario.