Dia di Kuido di Kriansa pa famianan di kriansa
Fin di novèmber semper Jeugdzorg ta organisá Dia di Kuido di Kriansa. Esaki ta un dia di famia festivo pa famia di kriansa, ku kua Jeugdzorg ta pone mayornan di kriansa i nan famia den spòtlait.
Lamentablemente aña pasa e dia di famia aki no por a tuma lugá pa motibu di corona. P’esei Jeugdzorg Hulanda Karibense a organisá un ’drive thru’ festivo pa famianan di kriansa riba djadumingu 29 di novèmber 2020. E tema tabata ‘Gratitut’, pasobra mayornan di kriansa ta hasi un diferensia afektuoso ku nan esfuerso i dedikashon spesial, den bida di muchanan ku mas mester di dje.
Durante di e ‘drive thru’ e famianan di kriansa a haña algu di kome i bebe. Un fotógrafo profeshonal a saka un potrèt bunita di famia. Naturalmente un regalo pa e muchanan no por a keda afó. Jeugdzorg ta mira bèk riba un dia eksitoso i ta yama tur famia di kriansa i boluntario danki pa nan presensia.