Treinen ‘ART’ pa mucha
‘ART’ ta un treinen pa mucha ku tin problema ku agreshon i pa mucha ku no tin kòntròl riba su emoshonnan. Na ‘ART’ bo yu ta siña kon e por reakshoná na un manera diferente. Por ehèmpel, ora un hende provok’é òf ora e rabia. Di e forma aki un mucha ta siña kon pa kontrolá su mes mihó.
E treinen di ‘ART’ ta ideal pa mucha:
• Ku tin problemanan mental i, dor di esaki ta agresivo òf ta rabia masha lihé.
• Ku dor di agreshon tin problema na skol òf ora nan ta hunga ku otro mucha.
• Ku na kas ta sufri di hopi episodio di rabia, kual ta hasi edukashon difísil.
• Ku dor di violensia a yega di kai den man di polis òf hustisia.
Durante e treinen ‘ART’ muchanan ta siña konvertí nan agreshon den un komportashon mas útil. Tambe, nan ta siña tokante abilidatnan sosial. Esaki ta pone ku e mucha ta sinti su mes mihó i ménos problema ta surgi.