Ora mayornan ta diskutí un mucha no mester partisipá den e tipo di diskushonnan aki. Esaki ta perhudiká desaroyo di un mucha. Tambe ta importante pa un mucha sigui wak su mayornan biológiko, asta ora e no ta biba ku nan. Por ehèmpel si e mucha ta biba temporalmente ku un famia di kriansa òf si su mayornan ta divorsiá.
Mediashon ta yuda mayornan papia mihó ku otro. Pa asina tin ménos pleitamentu. Durante mediashon ta krea akuerdonan ku tur hende mester tene nan mes na dje durante e seshon. Si un mucha ta biba den un famia di kriansa òf su mayornan ta divorsiá, Jeugdzorg huntu ku e mayor(nan) ta krea un areglo di bishita.
Si mayornan no por komuniká ku otro na un manera adekuá, mediashon por yuda. Un mediadó kapasitá ta purba mehorá komunikashon entre e mayornan. Esaki ta mihó pa e mucha.
Mediashon por yuda:
- Si tin hopi pleitamentu.
- Durante problema di komunikashon entre dos edukadó.
- Den kaso di violensia doméstiko entre mayornan.
- Ora mayornan no ke papia ku otro mas.
- Ora un divorsio no ta bayendo bon.
Un mucha tin derechi riba un bon kontakto ku tur dos mayor. Si un mucha mira su mayornan pleita, esaki por perhudiká e mucha. Mayornan no mester involukrá nan yunan den pleitamentu, o papia negativo di e otro mayor ora e mucha ta presente. Tambe ta importante pa un mucha no ta testigu di violensia.
Durante mediashon, ta krea reglanan di komportashon ku ta apliká durante e seshonnan di mediashon. Ta hasi esaki den konsulta ku tur dos mayor. Durante mediashon tur dos mayor ta presente na mes momentu. Mediashon por dura un máksimo di 5 seshon.
Un mucha tin derechi di tuma kontakto ku su mayor(nan). E mayornan tin derechi di mira nan yu. Tambe den kaso ku e mucha no ta biba na kas. Tin biaha, un di e mayornan no ke pa e otro mira e yu. Jeugdzorg ta imparsial i ta dialogá ku tur dos mayor. Huntu nos ta elaborá un areglo di bishita ku ta mihó pa e mucha. Ta stipulá e derechinan i obligashonnan di mayornan den e areglo di bishita.
