Rehabilitashon sosial pa hóben
Na momento ku un hóben kometé un akto kastigabel i e haña su mes den problema ku polis i hustisia, e hóben por risibí un ‘medida di rehabilitashon sosial pa hóben’. Hopi bia e medida aki ta forma parti di un kastigu hubenil. Si esaki sosodé, Jeugdzorg ta guia e hóben i tambe e famia.
Mayoria biaha e hóben ta ser apuntá na un guia di Jeugdzorg. Konhuntamente nan ta traha un plan pa sòru ku e hóben keda for di problema i ta mantené su mes na e kondishonnan. E meta ta pa tene e hóben riba e kaminda rekto i pa sòru ku e no ta kometé mesun fayo atrobe. Si logra esaki e ta bon pa tantu e hóben komo e sobra di komunidat.