KNMI
E KNMI ta sòru pa e notisia meteorológiko i sísmiko pa Hulanda Karibense. Riba e KNMI-website separá pa Hulanda Karibense tin entre otro e pronóstikonan di tempu pa e habitantenan di Hulanda Karibense i informenan spesífiko pa aviashon i nabegashon.
Ora ta trata situashonnan ekstremo - manera orkan, olanan haltu i inundashonnan dor di hopi áwaseru – e KNMI ta duna atvertensianan i konsehonan na e gezaghèbernan, e Representante di Reino, kordinadónan lokal di krísis i e Sentro di krísis Nashonal (NCC) di e Ministerio di Siguridat i Hustisia. E KNMI ta traha estriktamente ku servisionan meteorológiko den e region i ku Météo France.
Meternan sísmiko
Na Sint Maarten, Sint Eustatius i Saba tin meternan sísmiko di e KNMI pa registrá sismonan, den real taim. E red aki di meternan ta spesialmente instalá pa monitor e aktividat sísmiko di e volkannan Mount Scenery i Quill. Tambe e ta wòrdu usá pa eventual espektativanan di tsunami.