Jeugdzorg

Jeugdzorg Hulanda Karibense kier pa tur mucha por krese salú i seif. Un mucha ku por dibertí, siña kiko su talentonan ta i kon e por kontribuí na komunidat, tin un bon porvenir.

Ora un mucha ta menasá den su desaroyo, Jeugdzorg su tarea ta pa pèrkurá pa un situashon mas seif, di manera ku un mucha por sigui desaroyá su mes bon. Jeugdzorg ta hasi esaki por ehèmpel dor di ofresé ayudo edukativo, entrenamentu i intervenshon, kuido di kriansa i guia di mucha den situashon di krísis.

Jeugdzorg ta responsabel tambe pa ehekushon di medidanan di protekshon pa hóben i reclassering hubenil. Ademas Jeugdzorg ta guia muchanan ku hues a pone bou di supervishon i hóbennan ku a risibí kastigu (alternativo).

Den tur trayekto di ayudo di Jeugdzorg e mucha ta para sentral.